.bmp)
琴日考哂試啦∼
今日我地出去做考察∼
（做一個跨科專題研習）
我地今日去元朗考察∼
我本來想６點起身家，
點知起唔到身，
再訓∼
一訓就訓到６：３０到．．．．
一起身我就走去沖涼，洗頭∼
香噴噴∼∼
出門口已經遲左啦∼
７：３０先出門口∼
ｏ係樓下麥當勞買左個早餐。
搭車時，
我杯朱古力流野∼
滴左一兩滴落一個女仔隻腳上∼
好彩∼
冇比人打∼
ｓａｙ聲ｓｏｒｒｙ ，
冇事∼
我本來約左何穎怡係８點返到去打乒乓波ｇｅ，
點知我遲左好多，
搞到８：３０先返到去，
仲好似遲左到天（學校要我地８：３０返到學校）
不過今日係考察姐，
應該冇咁嚴∼
返到班房∼
全部人坐哂ｏ係到，
老師叫我搵返自己ｏ個組ｄ人，
同佢地坐埋一齊。
老師同我地講左ｄ細節野，
ａｎｄ ｔｈｅｎ 我地就出發啦∼
去到元朗，
我地又下車又上車，
下車－－講解一ｄ地方
上車－－去下一個地點
搞左一輪，
我地終於安定啦∼
我地終於落車超過一個鐘啦∼
我地要ｏ係元朗大馬路到做咩『土地利用』喎
行左足足兩條街∼
有ｄ暈∼ （因為我係邊行邊寫字）
好啦∼
終於做完呢個咁ｇｅ『土地利用』啦∼
跟住，
就要做一樣驚天地泣鬼神ｇｅ野啦∼
就係－－－－－－做『街頭訪問』啦
而今次訪問人地ｇｅ唔係第二個，
正是我－－同我班同學∼
拿∼我問你∼
平時如果你ｏ係街到有人搵你做訪問，
你第一個反應係咩 ？
冇錯∼
就係即閃！！！
我連續講左以下呢句說話十幾二十次，都冇人幫我做訪問
‘你好∼我地係保良局董玉娣中學o既學生，希望你能夠花少少o既時間幫我地完成 呢份問卷／功課’
唔係話唔得閒，就話唔做∼
超級爆無奈ｌｏ．．．．
勁唔開心！！！
直至我訪問左第一個人，
我先重拾自信∼
真係好雞傷心家，
你下次試下啦∼
兩個人ｏ係條街到做訪問已經夠孤獨家啦∼
仲要係冇人ｓｏ
你諗下啦∼
會有幾唔開心？？
幾經辛苦，
終於完成哂３０份問卷
（其實真係好多謝我組裡面其中一位組員家，佢超勁ｌｏ∼超厚面皮∼如果唔係佢， 我諗我地都唔洗食飯啦∼佢就係何穎怡啦！！！）
搞掂哂，
我地先去食飯∼
去左大快活食∼
要ｏ係１：５０返去集合地點。
我地為左守時∼
好乖咁連跑帶跳咁仆返去∼
仲搞到我胃痛添！！
點知ｄ人可以遲一兩個字不但止，
仲要慢條斯理咁行返黎，同埋未做哂ｄ問卷！！
真係離哂譜！！！！！
未做哂ｄ問卷都敢去食飯o既！！！
之後，
搭車返學校，
做返ｄ事後討論就放學ｌｕ．．．．
放左學，
我同個同學完成我地今朝早未完成ｇｅ使命
就係∼∼打乒乓波啦！！
點知就ｏ係我同何穎怡打打下ｇｅ時候，
突然殺出黃錦明同李政燊－－兩個高能仔
黃錦明話想打乒乓波喎∼
咁咪比佢打ｌｏ．．．
點知佢又話唔識用直手板，
問我地有冇橫手板，
咁我地冇咪答冇ｌｏ．．．
跟住佢話：唉！算啦，唔打啦！
過左一陣，
佢又彈返黎話：我用手同你打。（佢同何穎怡講）
跟住超爆笑ｌｏ．．．．
笑到我收唔到聲！！！
佢ｏ係到冷型、又扮Ｑ哂野咁打算接個波啦．．．．
點知好羅地－－佢接唔到ｌｏ．．．．．
唉，好雞樣衰．．．．
最憎ｄ人扮哂野！！！！
後未又有人話過美樂打羽毛球∼（ｏ個邊已經有好多人打緊羽毛球）
咁就打多陣乒乓波，
之後過左去美樂打羽毛球．．．
（近排鐘意打羽毛球多過打籃球，點算呢？）
玩得好開心！
班人都好勁！
遇強愈強呀嘛！！
玩左陣∼
去ＯＫ買左杯自由斟，
搭輕鐵∼
覺得岩岩玩唔夠本，
去到良景個站，
落車，
過良田租場，
羽毛球場∼
租左下星期六９點－１１點∼
之後返屋企∼
又ｏ係兆康行返富泰．．．
返到屋企∼
一粒人都冇∼
開電腦玩∼
玩到累累地，
就去沖涼∼
沖完涼同倪婷煲粥ｏ係張床到∼
煲煲下，
我訓著左∼
晚餐都冇食∼
一直訓一直訓．．．．．．．．．．．
p.s.今日我得到一個理念∼就係以後見到『街頭訪問』，我都會幫佢地做ｇａ啦！
|
