點解又要因為你而喊．．？　呢次係第幾次．．？
其實根本就冇咁既必要．．但係忍唔住．．

你記唔記得你同我講過．．唔知點解你只係會對住佢笑．．
你咁講真係好自私．．對我地好唔公平．．
唔通．．你見唔到、感受唔到我地１直都響你身邊支持你咩．．？
雖然好多時我地冇講出口．．但係我地真係好愛錫你．．

我記得我同你講過．．如果你有咩唔開心都可以同我講．．
你有咩事可以打比我．．就算幾夜我都會聽．．
不過．．我突然間想問自己１句．．你會需要咩．．？

１個人重唔重要唔係睇佢做過幾多對呢個世界有貢獻既事．．
而係主耶穌覺得我地每１個人都好重要∼∼所以我地重要！
呢個世界並唔係話冇左邊個唔得架．．
冇錯即使每１日都會有人死．．地球唔會因為咁而停止運轉．．
但係假如佢地冇存在過．．歷史上都會有野改寫．．

呢個世界唔會冇左邊個唔得．．
呢句說話惟１積極既時候．．就只係用黎安慰失去親人既人．．
要黎講比佢地聽．．即使身邊有人死左．．佢都可以繼續生活到！
呢句說話並唔係比你拎黎同自己或者其他人響平時講架！！
你講呢句說話既時候．．知唔知令到我幾傷心．．？

傷心係因為．．你竟然講ｄ咁消極既野！！
你係咪覺得呢個世界冇左你唔係１個問題．．
係咪覺得你自己唔重要．．？

你知唔知道有好多人好需要你架．．？
你既家人、朋友、同學．．仲有我地．．同埋１班未信者！！
呢個世界上面仲有好多未相信主既人等緊你向佢地傳福音！！

我地唔希望失去你、我地覺得你響我地心目中係好重要！！
因為我地好愛護你、愛錫你！！

你話過你唔愛弟兄姊妹．．１個都唔愛．．
你知唔知我聽到既時候幾傷心．．？
我地１直響你身邊支持你．．但係你話你唔愛我地！！

傷心係因為你根本就唔明白咩叫愛！！
你合起雙眼去諗下我地．．
諗下每次旅行、去ｃａｍｐ∼∼你同大家１齊玩得幾開心．．
諗下每次當你唔開心、當你有事既時候大家係幾咁擔心．．
諗下我地既天父爸爸佢幾咁愛你、為你做左幾多野！

愛１個人唔係淨係用把口去講．．
愛１個人可以唔使講出口．．
愛１個人可以默默為佢做好多野．．
當佢唔開心既時候陪住佢、氹佢．．
當佢開心既時候同佢１齊笑．．
當佢難過既時候．．背後為佢喊．．
無時無刻都支持佢、鼓勵佢．．

你明白嗎．．？　弟兄姊妹就係咁愛你！！
你願意去愛我地嗎．．？　願意開開心心咁笑比我地睇嗎？
願意同我地１齊去經歷嗎．．？

我並唔係想話鬧你．．
我只係想你明白．．有好多人好愛你、關心你．．
我想你可以開開心心咁過每１日．．
覺得開心既時候就笑出黎．．
覺得好唔開心好難過既時候就喊出黎．．
去為主耶穌好好咁過每１日．．而唔係咩都覺得冇所謂冇分別！
去過１個充實既人生、去為主作工．．
去明白愛、感受愛、去愛人、去被愛．．

我承認其實．．
我愛你唔係淨係因為你係我既弟兄．．
同時係因為．．我係真心愛你．．