我個BLOG都荒廢左好耐啦,等我重新開墾佢先~~~3B既同學請俾下面用一D時間睇左佢.....

5月過去左.....而家係6月.....而同時....我地3B既正式上課日只係得番5日.........

開學果幾個月果時,我地3B全無團結可言,一班入面分左2批人出黎,一班勁玩,一班勁被動,就好似水溝油咁。
正如希希話過,果時又唔可以話係小圈子,只係河水不犯井水,兩班人好似無溝通咁.....一片死寂.....相信依一種感覺,每一個3B既同學同教過3B既老師都會感覺到。

但係依種情況,開始起魚蛋生日有所改變,首先係14號果日....我地兩班人開始有合作去籌辦搞果生日,去買野,訂野,拎野,佈置等....起果時大家先有少少溝通既機會。先開始有少少團結既機會降臨起我地身上,15號,大家都好用心去搞果生日,我諗我地既班主任都會感受到我地既誠意。

12月....聖誕聯歡.....我地又幫手買抽獎要用既野,又幫手整野食,又一齊玩,玩到連魚SIR都大開金口黎唱歌呢@@" (超人-.-"")
之後既唱歌比賽,我地全班都好團結咁同艾琳打氣呢~~又一齊叫,又一齊企起身搖寫著"ilam加油"字句既紙呢(特別嗚謝貢獻左本化學簿既同學) 魚SIR亦特意出去買花叫林CHI上台獻花呢~~~

之後到敬師既活動,我地又一齊錄野,起上堂錄歌,起放學錄要講野既對白,仲出現左一個新星NG王tim@@""錄完仲要去電腦室整...仲有D改圖呢?都係我地分工合作所得出黎既心血.....依個時間我地3B又向團結跨出一大步。

新年,我地亦有部分同學去魚SIR家拜年呢~個個去到佢間屋就好似去左睇示範單位咁,而家諗起都好笑~~

3月8日....我地又約左D同學去踩單車去馬鞍山搵魚SIR呢~~如果果時唔係關係好左,我諗果次既活動係唔會出現。

旅行前夕  大家都係分工去買野,之後仲同希希,艾琳打波呢~~
到左正式旅行,大家打成一片,無分你我咁一齊玩@@"""" 堆沙,水槍.......我仲好記得大家好努力咁救番個沙堆呢~~(雖然最後係失敗左....)

4月  校慶   雖然果時大家各為其主幫唔同既老師整野,但係我地都有互相參觀同學既心血呀@@"

5月   班足   整橫額   相信有份整既同學一定唔會唔記得,果日你地整到9點半@@"而我因為俾呀媽話,所以9點2就走左.....

班足  四強  冠軍  師生      3B既同學都有落場打氣    大家都好投入   而起場上面踢波既3B份子都好俾心機去踢,最後不負眾望奪冠,而師生戰亦大勝10:5   依D都係3B同學既努力換番黎的!!!

到而家....淨番5日....我希望大家3B可以起依5日入面一日比一日過得更精彩!!!!

而我都好多謝咁多位3B既同學俾左令我最感動,最難忘,最快樂既一年......亦同時起我14年人生入面第1次見到40人一齊咁團結的....(講真的,我之前起童軍都無我地3B咁團結),我之前既學習生涯入面,到處都係小圈子.......再一次多謝你地可以令我起3B入面享受到大家既關懷,沒有玩對抗既場面........

咁難得我地咁團結......可惜得番5日......
之後又要散,天意弄人......
所以我地要更加團結,證明俾個天睇
無論佢用咩方法都好,佢都唔會可以令我地團結既精神拆散的。

終於打完......希望3B既同學可以留番個CM啦~~~