今日就同包包去海洋公園啦!8點等!但係我就遲左10分鐘...

包包就話佢牙爸會跟埋我地去......好...有冇搞錯呀!!!!而家先講!!我又唔會拐左包包去...

跟住見到包包個牙爸...嘩!勁似劉松仁呀...(肥左少少..)

跟住去到之後...要搭地鐵啦!轉巴士先到!

入場費...$185...好肉赤呀...

9點11分到...佢要9點半先開門...

開門之後我地就即刻搭纜車,衝左上去...咁就同包包個牙爸分開坐...

跟住同包包係車入面玩自拍!哈哈!

落車之後就即刻去玩滑浪飛船!woo~~濕哂!玩完之後係度傻笑!跟住就再玩多一次!今次就我同包包坐後面啦!跟住就講定,一陣衝落去個時就大嗌!好爽呀!

跟住就玩海盜船!初初驚驚地...後尾就唔覺得驚!仲越玩越high!玩人浪!d離心力好勁...玩玩下又覺得好正!

跟住就玩過山車!哈!勁短...唔係幾好玩...不過個頭就拍黎拍去...痛...(死神再三來了....)

跟住就又玩返啦!海盜船玩左10次!過山車玩左3次!滑浪飛船玩左6次!

咁尾兩次既滑浪飛船,咁就玩啦!坐前面,我就坐最前,跟住最尾既一衝!咁就嗌!跟住就唔想濕(我件衫好吸水的)就縮低個頭,點知就聽到包包講[王可欣!你做乜縮低個頭呀]望一望!哈哈!笑死我喇!佢成副眼鏡,成身都係水!!!跟住又玩啦!到包包坐前面,佢又縮低個頭,因為係細浪,所以佢縮低個頭都係濕左!

跟住就問包包玩唔玩跳樓機!佢話唔玩!但係佢牙爸好勇!我去!!!

跟住見到佢牙爸好型!整個V字手勢!

玩個飛天鷹...悶...唔係好好玩

正looo!越曠飛車!包包話好危險,會整親條頸,但係一場黎到,冇理由唔玩嫁!玩...個離心力超大!我諗成場叫得最大聲係我地!有三次離心力,第一同第二次最勁!

之前玩海盜船,我整亂左包包個頭髮!咁佢再綁過啦!點知條[像根]彈左落山...笑死我喇!!!玩個時,有個女既就係咁話[廢既!廢既!}好黑人憎,又嘈,又串!

跟住玩太空摩天輪,好正呀!360°轉個時!我地兩個就係咁嗌!跟住d人望哂過黎!哈哈!跟住又係度傻笑!!!哈哈!好似玩左三次!第一次呢!我同包包曳!係度搖個位!係度fing!

飛天秋千!暈暈地!幾好玩!玩左幾次d衫都乾哂loo~(玩左五次...)

跟住去水母館...冇咩好睇

跟住搭cable car,搭返過去!咁我就見到184號既cable car,就問唔知有冇183既呢!跟住就睇啦!到差唔多到個時!呀!!!!!我見到喇!攞部手機出黎...過左...映唔到呀!!!!好遺憾呀~~

行到腳都斷....