上個星期六去左舊同事屋企，佢因為要養狗被迫下要搬出去住，以家搵到個地方係林村隔離叫"鍾屋村"好似圍村咁，係佢四周都有好多吉屋，因為好多都移晒民，有時間先返黎渡假！佢個度渡假一流呀，但長住就差d，唔可以太夜返，雖然個度睇落都幾安全！

個晚我地bbq，佢地買左好多海鮮，好新鮮好有鮮味！又飲紅酒，我係識左呢班同事先開始飲紅酒，以家飲飲下都ok，味度又幾好，我d同事好識揀，所以都係好酒！所以我唔會飲啤酒！一來唔好飲二來會飲到有啤酒肚雖然已經係，hahahha,！好不幸既事情終於發生左，俾佢地擺上枱玩，有一個新既男同事叫亞傑睇落去應該同我差不多大或者會細過我同埋佢應該未拍拖，就係咁個班人就多左樣野玩，亞傑又同佢地癲反而我就唔係咁好意思，因為我都係見過佢一次，今次係第二次！唔望個樣，外表都好似我以前一位既朋友仔，以前位朋友仔個樣好cute，成日笑，個樣冧死人！我係一個比較慢熱既人，所以呢......就係咁囉！

最搞笑都係rachel養個隻狗，係玩具貴富狗，佢對腳好似裝左彈弓咁不停咁跳，不停咁走來走去，搞到我都唔咁坐係度，因為佢會朴埋黎！

不過真係玩得好開心！