澳門之旅

好開心！終於又再有機會大家一齊去玩了，仲要係兩日一夜呀！星期五大家放工后就即刻搭船過海...呵呵呵...做d咩，緊係搵番d旅費啦！到左之后好在有巢巢招帶路同收留。

食完晚飯后，就返左屋企睇波，之后3點鐘同陳小落左街行，原本想去的地方太遠了，都唔知點去好，最后去左另一個地方，個度好舒服係海旁。一邊聽歌一邊吹下風一邊訓下！但望住個天，個天成日閃電，感覺就差左少少！坐左一個鐘左右就返去訓！

訓到朝早9點幾就開始新一日的行程，先去食早餐，雖然天氣好好，但真係好熱，跟住過左大三巴好急咁影左d相就要閃！再到消防博物館參觀！原來諗住可以搭的的呢度去個度去，但行左好耐都無，佢地都有d不耐煩，我都唔想ga，個度條條街都係細街，根本就無車，幾經辛苦之后搵到巴士搭去漁人碼頭！

漁人碼頭真係好靚呀，但天氣真係好熱，已經好努力影好多相，我真係唔怕晒唔怕熱，但d弟兄就叫救命，佢地話攞苦黎辛，我真係好唔開心，未去之前幾日都落雨根本預計唔到天氣會係點！我真係好鐘意呢d天氣不過涼少少會好d無咁dry！個度真係好靚ga，影左好多相！食完lunch之后就過去氹仔食豬扒包，但又有人出聲啦，我真係好唔開心！黎澳門食豬扒包就一定要。呢d說話咩mood都無晒，好無奈！食完之后無辦法了，原來仲想去主教山，但睇見佢地咁最后都係無去到！返左屋企，等到天黑再去食晚飯再到大三巴議亨影相就要搭船走lu！

咁樣就過左一個假期了，跟住要等到10月先再有假期！但總括黎講呢個旅程都算開心，但個句說話就記到今日，會有陰影ga！