8月19日 bambi

今日亞頭開始放大假，所以我都搵節目早d收工，不過最后都遲左半個鐘先收工，約左好多個人，但個個都唔得閒，最后就搵左rachel同bambi！

放工后就入大埔，食左個好正既豬扒米線，就同bambi去街街，一路上好多人對bambi都好好奇因為佢係一隻玩具貴富狗，即係似公仔既一隻狗呀！如果佢坐係度唔郁根本就無人知佢係一隻真狗！哈哈！

呢日天氣真的好好，雖然無藍天但有太陽亦有涼風，真係好舒服，好耐都無試過過咁寫意的一個下午，帶住佢行下行下，佢不時回頭望向我，真係好開心！佢真係好得意！

記得第一次見佢，我真係好怕佢行埋我度，因為佢不停咁跳過度活躍，嚇死我！第二次見佢已經乖左好多，我都夠擔抱佢！

bambi下個25號就1歲啦！