8月23日全餐

呢一天我亞頭都仲係放緊假不過係最后一日，最后我都要6點45分先走得，跟住就一個人返祈禱會，返祈禱會之前我做左樣野，呢一世人都估唔到自己會做d咁既野，我鼓起最大勇氣咁打左俾佢，古語有云"無事不登三寶殿"，我就係咁啦！佢好詳細咁講我知要d咩要d咩，問左d問題睇下適唔適合！最后都無問題，原來佢做到下星期三，個一刻我會覺得係上帝安排！讓我得釋放，呢晚的祈禱會我好開心，真係好開心！今年係我第二次返祈禱會，第一次係因為佢而第二次係因為佢！多謝你地，我先會有得著。

祈禱會完左之后就去左廣華驗血，驗全餐，雖然唔知有d咩，哈哈！好緊張呀，手都出晒汗，因為我真係好耐無吉過針，開頭佢話見唔到我d血管，幾驚會吉幾次，好在佢有經驗，一次就ok，吉落去個野都幾痛ga！好快就抽左一支成支筆咁多既血。唔知我會有d咩暗病呢？哈哈！

跟住我地兩個去左女人街側邊d舖頭食飯，食鐵板燒，坐底之后竟然見到吳浩康同佢d朋友，一行6人5男1女！個度隨左佢好樣d，佢無個friend係掂，我指個樣，佢地不停咁講野，全場都係佢地d聲音，佢係呢段時間俾我既感覺係..............動作行為似小朋友！今晚呢餐食左102.5，都唔平，食既野又唔可以話好ok！都係普通野，唔值！...我唔會再去。

之后去左買禮物雖然時間已經係晚上10時多近11時，我地都去左逛一逛，竟然係街上遇上佢，係身邊擦過，佢應該見唔到我，望住佢背影同埋係佢隔離的一個人，我竟然係度諗，點解隔離個個唔係我！做左一個月既朋友，咁就無左！