今日唔理3721夠鐘放工就鬆人，不過最后都要兩點先走到。

因為今日入大埔搵bambi，已經幾個月無見，同埋返工返到無晒心機！

搭巴士上火車站再搭火車再轉巴士先去到，其實都幾遠！

大埔街市有檔野d豬扒好出名好好食，我每次入去都會食！兩大塊炸豬扒連粉/面/米線等都係$20一大碗！大家有機會都試下啦！

上到佢屋企bambi就跳呀跳呀擺晒尾咁歡迎我，佢好開心！我坐係梳化度佢就會趴係我度！佢真係好得意ga！

一個下午舒舒服服，同rachel吹下水，咁就過左！因為個度係村屋所以好靜，只會聽到狗吠聲，想休息就最好不過！

5點幾同左佢過左隔離村睇屋，不過個間屋唔太掂！

之后出后九龍搵力士陪我買野，途中竟然見到亞哥呀，佢又肥左啦，仲要肥左好多，隔左陣先見到家歡※哈哈！

另外係商場買滿一個价錢就可以抽獎，最后抽到兩張<再造人之戀>既戲發，因為我已經睇左，所以就俾左力士，等佢同珍妮去睇。

因為佢地要收張單，但我又要拎返公司claim錢，所以要等佢copy，等既時候另一位姐姐俾左盒復活蛋俾我，我好開心呀！

因為無諗過企係度突然間有人會俾禮物你！多謝個位姐姐！

呢日買左6支香芬油，兩部香芬油機一大一細，一個放公司一個放屋企！買左支護頭髮既野！