8月13日 陰

一朝早起身返崇拜，原本諗住holds病左就無人hold cell，點知...........
今日崇拜終於見到佢啦，最少都有3個星期無見過佢，現在好像陌生人似的連打招呼都無！呢一生人第二遺憾！
今日崇拜隔離竟然坐左個幾ok既男仔，佢好高大，係佢同另一位弟兄既溝通中，我相信佢係做消防員，因為佢既身型都似係！
哈哈哈！勁開心！食完lunch返黎又撞到佢喎！真係咁啱得咁橋！
講番開cell，今日有兩位cell完既分享，一個就繼續講佢租樓既事，真係越黎越有趣！但如果佢再搵唔到屋，就真係呢..........
另一個就分享佢係別国參加既教會活動，確實令我地聽既都覺得呢個世界其實真係好大好大，之前我已經叫佢分享多d，
可能時間上唔夾，令到佢無咩機會分享，但今日呢個分享令我有所思想！真係好！原來出下佢睇下外面既世界真係好唔同！
原本諗住無cell開，就早d上去，點知一講之下就到左5點.....哈哈哈，勁呀！

今日好開心，竟然有一個人讚我，個句說話我會記住！因為係由你把口講出，所以我會相信係"真的"

未上去之前佢打過俾我，但我只話我會上去！好開心一上去就見到佢！之后仲傾左一陣，佢仲好突然咁講，下次送對手套俾我！
哈哈！成個人突然間飄飄然！勁開心！多謝你呀！我真係好鐘意你呀！

夜晚約左兩位朋友仔食飯，真係一年見得兩三次，但又唔會有隔膜，因為大家都識左都有十年！嘩.....真係估你唔到，
咁快就十年啦！成晚佢地兩個不停咁講野，我就不停係側邊笑！好耐都無試過咁relax咁開心咁笑！多謝你地兩個！
最估唔到既係，食完飯已經十點，佢地竟然話想去唱k，俾佢地兩個夾住唔去唔得！多謝你的晚餐！
原來greenbox有好多小豬既歌，真係太好啦！未唱k之前，佢就將之前既事，一五一十咁同我講！當然啦，我既回應係有限！
唱下唱下，已經到左兩點幾，問你死未，第二朝仲要返9點，返到屋企沖完涼就仆上床訓lu！

一日之后，我都估到我個女會問我，只不過唔知會以咩方式問！
相信你地每一個都會有呢個疑問，因為大家都會覺得係！哈哈哈！