原來已經好耐好耐無掂過日記板啦！發生左好多野，楊太提早退休，去左新加坡交流團，岩岩聽完童話，諗起左好多野
童話，係光良主唱架，亦都係佢同我示愛既一隻歌，因為我個網名就叫童話，擁有呢個名，應該好幸福架！點解我完全唔覺架？
三年班既時候，遇到高sir，個陣應該係小學最開心既日子。即使之後幾年，我都過得唔開心，不過因為有佢，我到撐到落去，點知六年班個陣，佢死左。好hurt，真係好hurt
以為唔會再同老師親近既我，上到中學，就俾楊太教到，個陣真係好開心，高sir既死既打擊，真係消失哂！到左中一下學期，楊太大病，個時我諗，係咪因為我呢？不過個陣都唔多信，因為楊太後來到返左黎教書，到左中二，都係楊太教，我開心到無野講，個陣覺得我好幸福！點知後來佢又大病請假，miss chan係個段時間又過左身...

我真係無野好講

可能一齊純粹巧合，但我而家真係無辦法厚住面皮去講呢個野。每次我去愛一個人，佢都會遭遇厄運。可能好似reni咁話，根本唔關我事，但我完全唔可以咁諗，而家我無辦法唔責怪我自己。之前佢都俾我拒絕，除左因為我唔係太愛佢，更大既原因係，我唔想你既結局好似佢地咁

有朋友問過我，既然我有意中人，點解唔同佢講清楚。
你以為我真係唔想講咩？我好驚講左出黎，你就會好似佢地咁離開我。可能我咁講有d自私，但我寧願將我既心永遠收埋，只要你可以生存落去，就係俾我最好既禮物。自從知道楊太唔教之後，呢個想法更加強烈！

童話既存在，係幸福？定係一個天大既諷刺？

刊登時間︰2005-08-18 09:15 PM    [ 訪客留言(4) ] [ 編輯日誌 ] [ 分享至FACEBOOK ]