今朝10點鐘就起左身...哇..今日好凍呀..真係唔係好想落床...尋晚同龍龍傾左成個鐘電話..xdd..佢好搞笑呀..講講下我鐘意ge人..竟然咁都俾佢諗到一個自家整容ge方法...不過個結果可能仲嚴重過"米高積信"..之後佢無啦啦又係度講果個情境..搞到我咁唔開心..唉..佢講得太美好喇..根本又無可能發生...講黎未又搞到我唔開心..

今日起完身之後..都唔知做d咩好..功課又無..咁早又唔想溫書..又同龍龍講好左中午先去圖書館喎..都唔知有咩做好..之後諗住又係開電腦啦...死火..部腦都唔知做咩..開唔到機..開完總掣之後..就無哂反應..唉..點禁掣都無用...唉..好彩家姐由今日開始返學..咁就靜靜雞用住佢部電腦先啦..之後用左一陣..又好似無咩野做咁..咁早d人又無咩on到..悶...搞下搞下..搞到12點..先打俾龍龍..本來諗住去聯和墟圖書館..之後再周圍行下就算..點知同龍龍講...講下講下就決定左去上水圖書館...順便行下街..

之後就一齊出左去上水行..左行右行...每個商場都行下咁...之後經過圖書館先上去還...點知..上到圖書館先知..原來今日上水圖書館係休息ga..唉..不過唔緊要..張本書擺落去還書箱..都一樣還到姐...之後行到2點幾..突然間講起話去玩桌球...正呀..好耐無玩lu^^咁就一齊返粉嶺..咁因為佢要還漫畫...所以就去佢屋企拎返d漫畫..去還左漫畫先..之後又一齊租漫畫..租完再行返去和興度打桌球...我地兩個好傻呀..租完漫畫之後一人拎一本漫畫..兩個一路行..一路目中無人咁睇漫畫..之後去到和興...真係掃興呀..竟然無場..d學生又會放得咁鬼早ga...一放學就俾佢地book哂d場..搞到無哂場打...唉..咁無計啦..之後由於我地兩個d漫畫都未睇哂..就行埋左去一邊度睇漫畫..睇完哂之後..大約4點鐘就返屋企..

一返到屋企..咁岩呀媽要落街買食送..就再落左次街幫佢手拎野..今晚我地打邊爐..正呀..買左好多野食^^返到屋企..先醒起成日都無咩食過野..未食野囉..我發現..係冬天..特別係好似今日咁咁凍ge日子...食完d暖粒粒ge野..食飽飽..就會想訓教..so跟住就不其然咁上左張床度訓教...由5點半一路訓..訓到8點鐘..冬天訓教真係好^^8點鐘先身之後..就睇電視..睇到咁尚下就食飯..今日呀欣黎左我地屋企度..一齊食飯..本來3個女人ge屋企而家就變成4個..真係多女.."不過就熱鬧好多..都唔錯呀^v^

P.S : 1.慘啦..今日我部電腦一直都開唔到呀...又壞機..點算..>﹏<..
        2.話咁快...6日ge假期就完左..聽日就要返學啦...真係唔想..>/\<..
        3.呀旺好慘呀今晚...點解個監製要咁對呀旺喎...無人性..>x<..