我返黎啦，等左兩個幾星期既東龍島攀石，又玩完左啦

唔次攀石玩完，我同我女朋友又玩完啦

哈哈，講起黎都幾好笑，話就話一齊左一個幾月

但見面既次數剛剛好就得十次，咁就玩完啦

佢既一句「係我問題姐，我同一個人識耐左就只會睇到佢既唔好野」

佢咁既一句，又冇先兆，又冇講個個問題

哄都冇得哄就死左，依句我都係第一次聽，幾新鮮呀

可惜既係，就算只得十次，但我知道我真係好鍾意佢

你地可能會講，見得個十次，有幾愛呀

其實一開始我就知道會好難，要拍一次二地情緣

講就講得易，錢呢，時間呢，兩個人既生活呢

好多好多野呀，我知道如果一開始就諗會分手

咁就一定唔洗拍都知會分，所以我一直都諗好多方法解決

我做左好多好多野，我因為佢改變左好多好多

冇咁口花花，一心一意對佢

我自己都知道自己好冇安全感，成日亂諗野

下.........你地都諗，你個咁既浪子都會講安全感

唔好講笑啦，但其實又有邊個唔講安全感呀

好多女仔同男朋友分手，都係話個男仔冇安全感

但又有冇人諗過，其實男仔都要安全感嫁

我自己都好怕丁丁會有人追，我都好怕冇左佢

日掛晚掛都係諗住佢，點先可以分開兩地都哄到佢

晚晚都一走得就返屋企等佢，我唔係想知道幾點返

唔係怕佢出晚街玩，只係因為我好掛住佢，知道佢十二點半訓

想有多D時間陪下佢，同佢講多兩句，

我知道自己唔可以冇左佢，所以我做左好多野，

只係落花有意隨流水，流水冇心戀落花

但愛佢唔係因為佢有D乜野，我愛佢係因為佢係佢呀

要一個男仔講我鍾意你唔難，是但都可以講幾千句

但要一個男仔，係全世界面前講一句我愛你

仲要講肯成受所有後果，係好難

但我做左啦

丁丁我愛你