今日冇約人，冇事做

所以訓到十一點幾，訓下又起下點

到左一點，諗諗下，都係不如去睇戲

但聽日本來約左希子同BABY去X-MAN

依家BABY話多野做唔去，得返我同希子

點都好，咁今日咁睇第2套囉

上網睇過，時間最好就係3點50個場，

反轉豬腩是王子，聽朋友講幾好睇

睇完剛剛好去順利攀石真係一流

十下十下，2點半就出左街，去左圓方

去到買飛先記得今日你老母日

得返頭兩行位，買左第二行最右邊第一個

入場個時買左D野食，

套戲都幾好睇呀，都幾童話嫁

只係現實世界唔會有咁美好姐

你冇外在美邊有人睇你內在美呀

真係好一句你內在美我又睇唔到，你外在美我又唔想睇

咁就死得人啦，但有佢套戲個套3都幾好

我都想要黎玩返幾日，應該幾好玩嫁

睇完套戲都5點10個字，坐車去左順利攀石

本來個身有小小痛，其實都唔小小，係好死痛

諗住都攀唔到，都係想上去坐下吹下水

但上到去，自己左忍唔住，又要玩

玩到係咁用手拉，用得小小腳

比師傅見到一定小到我死

玩到11點幾就返左屋企，

好攰好痛呀，就死啦