上個星期四唔小心痛個個重要地方

支持左四日，琴曰頂多兩野都係頂唔住

訓左係屋企成日，到左三點半太肚餓

落左街想買野食仲有順便返埋LWL見一見BABY

點知道，落到街都行唔到一百米就痛到行都行唔到

死下死下去左睇醫生，個醫生一知我乜野事就比信我出院啦

叫我去威記照依樣睇個樣，比佢講到四川地震咁大件事

坐的士去左威記個急症室，第一次去睇急症可以咁快

分流連入去都唔到半個鍾，咁我就知依次仆得街啦

個醫生講左兩句就叫我入院，坐係個走廊到等

等左十五分鐘到啦，但個十五分鐘有前所未有既恐懼

好有一個死亡既感覺，個時我最想見到既四個有

有三個都唔會黎到，仲有一個會黎既可能性係最高

第一個係阿珊，第二個係阿靜，第三個係BABY，第四個就大家諗下啦

個時忽然諗起阿珊，唔知道佢入醫院既時候係唔係都諗起我呢

如果比我有多一次，我點都會係佢身邊，唔會離開佢

上左病房，個護士幫我打左幾支針

又唔比我食野，仲要掛鹽水，

六點幾就係個病房到等，又痛到死

訓又訓唔到，D人係到走黎走去

等到九點幾，比人帶左落去，照X光同超聲波

返到上黎都十點幾，都係訓唔到，眼光光

等下等下都十二點幾訓左，一點半又比人叫左起身

打多支針，成隻手掌咁Q大支，

比佢打完，痛到飛起，又訓唔到

成晚係到眼光光，直到早上八點幾先訓到一陣

九點又比個醫生叫起身問野，睇我死得未，

下午就出左院啦，唔死得真係好

   h