尋日堅係超開心
先有小學校友會
有種久違咁既feel
見返班昔日戰友真係好正
有張生啦,英女皇啦,霍紫澄啦,李柏睿啦,伍展x啦,郭家洛啦,肥Sam啦,etc.
當然仲有美女啦
我地一齊上左去睇啲班房
最重要係我地喺6A班房留名
跟住我地走左上天台
成世仔第一次上小學學校既天台xdd
之後我地係操場見到架百佳手推車
you know 我地好百厭
要英女皇坐入去跟住嘩嘩嘩嘩嘩嘩!
跟住我地成班友係冒驗樂園散band
我Call左石J出黎倒數
跟住就撘MTR去柴灣等佢地
難得成班麻甩佬出黎倒數
我都好安慰
有Jeff Yuen啦, 石J啦同螺源啦
因為早左啲,所以係銅鑼灣四圍走
我地去左Sogo同皇室堡中間果度
記利佐治街 :P
見到成街都係啲人係度玩"Free hug"
仲有街頭表演花式跳繩
"This city is dying, you know?"
我地係果度吹水吹水再吹水
後來Jeff同石J係果度間Starbucks果咖啡
我入到去先知唔係我呢D平民可以買既
一支水$16…錢呀…
原本諗住去時代廣場倒數
點知去到D差人話爆左
又諗過撘Star ferry去尖沙咀
結果我地一路行路行
中途係鵝頸橋底交左交水費
跟住就行左去金紫荊廣場
嗰時先至十點半
跟住係度傾閒計
又傾Walking Death
又傾世界末日
又傾2012願望
話咁快就到十一點五十九分
我地即刻攞部手機出黎
知唔知我地做乜?
咪sd sms lol (好似淨得我及時sd到)
倒數嗰時先發現睇唔到國金二期...
憨憨居居咁跟人倒數&起哄(零時起哄xdd)
等左半粒鐘先知冇煙花xdd
螺源就踩爆D bonbon棒扮煙花
跟住係度Down 機自high xdd
跟住成班友係咁打俾電話人講「新年快樂」跟住收線(玩電話)…拿我冇架拿
我地一路行到去到間麥當勞
石J買左個麥樂雞餐
行行下發現冇俾醬
結果去左下一間麥當勞話"你個伙記冇俾醬"xdd
跟住去左維園傾溝女經驗&問題
後來無啦啦開始唱歌(周圍D人望住晒)
原本三個人(Jeff,石J &我)唱得好地地既
無啦啦多左個唱Eason既螺源(家明xdd)
結果就成立左新既四人組合「Super Band」
跟住佢地話一路行去筲箕灣
一路行一路傾世界末日&宇宙大爆炸
結果因為我家姐既追魂call搞到我要中途放棄
係鰂魚涌上MTR
返到屋企已經4:05
不過我打status打到6點先訓xdd
後來(都係1月1日,不過係下晝)我問番石J同螺源(我地一齊踼波)
先知道佢地一路行一路傾傾到6點@.@
仲要中途係民生隔離個公園坐低左
我地傾左咁耐
最後得出黎既結論就係：
1. 呢個世界上有無限個宇宙(平行宇宙)
2. 爱因斯坦救左中國(睇完〈李煜和爱因斯坦〉你就明)
3. 就算你造到時光機,你都只可以去未來,唔可以返過去
好可惜2011年尾同2012年頭唔可以同妳一齊過
妳好似係登龍街
真係「這麼近那麼逺」
我知道妳仲愛我
我愛妳呀!
|
