來緊我會搵一D辦法來拉返高你地全年D數學分...... (盡力幫啦 /_\ )
放心 , 唔係留堂補課 (我深信你地唔想讀我迫大家都冇用 , 你地想學自然會主動問)
唉 , 真係好無奈 (-_-)
我好想幫大家進步 , 幫大家搵返D face (面子) , 但係只有極少數人明白我o既好意
2A大部份同學都冇乜自信 (至少數學係咁) , 唔信自己可以做得到 , 未教就已經講唔識 , 想幫佢地就當我仇人咁 , 咁消極(玩放棄) , 可以點幫? ( /_\ )
情況好似你叫走火警 , 附近D人當你冇到 , 有D仲以為你講笑 , 玩佢 , 你會點?
眼白白睇住佢地走唔切俾火燒死? 因為佢地冇理自己 , 所以佢地俾火燒死自己會好心涼? 唉 , 我仲有人性 , 我唔想佢地死......
想數學有進步不妨多D搵我啦(放學後) , 就算你地只係問一兩條問題(可能只係花一,兩分鐘) , 但日積月累就會問左好多 , 一定學到o野ga
無奈...... ( /_\ )
家姊你睇下~~最後兩句
