2006 年 4 月 16 日  星期日

oh!!!!!!!!病情嚴重左><

明明飲左好多水!!不過到左夜晚 凍凍地...係咁打"乞痴""仲咳埋添呀>o< 放假點可以病架><!???

~~~~~~發表時間：2006-04-16 12:03 AM   [ 訪客留言(0) ] [ 編輯日誌 ] [ 分享至FACEBOOK ]~~~~~~

2006 年 4 月 14 日  星期五

其實...你果陣真係幾錫我

從來一直以黎.....你... 我................ 我..................唔介意mandy話我自作多情... 我只可以理解為...佢唔了解我... 是吧..!?  我係個咩人...邊個知??得我知… 今晚...同果個23歲傾傾下偈...好無聊... 不過突然講起"""細心"" 佢竟然話我細心...呀哈哈!!!我只係關心左一句佢既病姐... 況且becky一直話我[唔細心...做得我條仔就真係慘] 哈.......becky....你都唔了解我... 我一直都話::你又唔係我條仔 哈.......都話左我係個重色輕友既人...千萬不要怪我~o~! 又勾返起我d回憶... 我.........佢.........記得當時我眼中只有佢... 我睇佢d野仲重要過我自己既野...我d野點都冇所謂..最緊要佢d野冇事 我點都冇所謂...只要佢唔知道我痛苦.... 我有幾唔開心都冇所謂...只要能夠見住佢笑.. 宛蓉突然有次講左句:你而家愛佢多過你自己呀!!! 我果陣先突然醒哂......冇錯....我點可以就咁迷失自己?? 不過我同自己講:::嗯......愛丫嘛^^ 我真係唔係一個溫柔既人...我唔識去向一個"唔係我男朋友"既人表示感謝... 我唔識同一個....咩都唔係既人講d只屬於"男女朋友關係"既野... 我可以做乜??佢又可以做乜??? 我想幫佢.......想大大聲鬧對佢單單打打既人...我唔係佢女朋友...我憑乜野??? 只可以冷冷咁望住一切既痛苦係佢身上越黎越多 佢有時見我有d唔如意既事...佢唔出聲...只係望住我...我見到..佢眼裡閃著憐憫.. 佢可以點???佢唔係我男朋友...唔通開口幫我...開口問邊個婽我!??冇可能! 佢幫我....佢會直接同我講"得啦~我搞掂架啦~唔洗理佢地"[都只係一次…呢句真係好感動] 點解.........點解你可以直接咁幫我........仲親口講d咁既野... 你知道嗎...當時我真係好想攬住你黎喊... 你知道嗎???當時果幾日我真係好辛苦...唔想返學...唔想再聽到佢地講既野 你知道嗎??當時我中文同佢地一班....真係好慘...佢地...一人一句... 連miss都頂佢地唔順...問佢地咩事...講緊邊個 佢地冇指明話我....我可以點???自認??? 佢地...........點解可以咁對人.......佢地有講我個名...我都可以有機會鬧返佢地丫!! 但係佢地唔講名...我可以做乜??? 你知道嗎??佢地只會係中文堂冇你係度先咁對我.. 你係度既話 佢就痴到你實.....哈.......好可憐.... 佢好可憐........ 你知道嗎???係因為你我先至有勇氣繼續承受佢地既說話.. 你知道嗎???我有幾多次想攬住你...想攬到你實一實... 然後大大聲咁喊出黎... 冇...一次都冇係你面前喊過 只有果次......我為左第二個男仔係你面前喊... 你當時係咩心情??? 我唔喊我仲係人黎既!??一直唔想流眼淚..唔想比你見到.. 但係....d眼流真係好唔聽話..^-^ 係呢...你呢??? 你有冇好似我咁...有野係唔敢做既??? 你知道嗎......我而家唔敢做既係…忘記你 你退左學......係牙..!? 係呀.................哦................ 過得好嗎???在做什麼??無所事事???還是天天玩樂!??? ................. 岩岩聽到一句歌詞... {珍惜她…放棄我吧} 珍惜他...也都放棄你吧... 你有她還可以珍惜(你真的珍惜她?那為何那天在我旁邊低聲罵她?她有在威脅你什麼嗎???) ....我呢???我咩都冇...你起碼等到我搵到個值得我珍惜既人先丫~ 唔可以???未免......未免太殘忍了點吧..??? 從前那溫柔溫和的眼神...是真的你嗎???真的是你???還是..我看錯了?? hey..你知道嗎??我呀...現在真的...很充實..不是有個男孩被我看上了,,/ 而是.......我有神的愛呀! 你呢???感受得到嗎???你呀...寂寞時...祈禱吧...神會給你需要的東西... 你呀...不是很相信神???依靠祂吧!!不要再在歪道上胡亂地衝了… 知道嗎????要學懂照顧自己...不要被眼前的一時欲望所暪騙呀! 我只能說句:小心一點吧.....take care＊! every time....神與世人同在啊!

~~~~~~發表時間：2006-04-14 11:38 PM   [ 訪客留言(0) ] [ 編輯日誌 ] [ 分享至FACEBOOK ]~~~~~~

行山~~紅石門

呀sir話9點開車...... 我8點先比mandy嘈醒.....因為我唔係幾想去..好凍>< 9點去到.............點知架車遲到差唔多十點先到.. 周盈盈鬧班中一..唔知邊個玩野將人地個水樽放入垃圾桶! 好好笑........一字排開,...仲舉埋手...好正!! 我地係咁行係咁行....一開始好多[牛屎]]..點知好辛苦咁上山時...都仲見到有 d牛真係好勁!!!!個山咁斜....不過全日都冇見過牛- ~ - 又上又落...又多草...隻腳[花]哂....原來"周盈盈"都好厲害..行過好多世界各地既山@@! 今日真係好似'''捐山燶'咁........好好玩!! 我地好多人...3十幾個...同埋d唔係山藝既一齊... d中一好煩.....又要吹人行快d自己又要跟唔到..人地講野係度搭嗲串咀...之後又要比我地串到口啞啞 佢地真係好煩...成日傾偈跟唔上要我地成串(唔係村)人等佢地!! 我地前面行快左...斷開左果一半行錯分叉路...想問下佢地係邊.. d中一就得個大聲..佢地根本聽唔到..我地果邊就勁嘈!!! 我地行左好耐...終於到左食lunch既地方------2點… 不過唔係呀sir想去既地方...有個更靚既地方...我地行錯路.錯過左... 不過果度都ok架!!!係好多烏蚊仔咬我囉....個湖都幾正!周圍又紅紅地喎~又有好多蟹仔! 呀sir帶左好多野食...比4b d人分哂................... 呀sir同大力鬥"訂"石仔遠....呀sir遠少少!!差唔多一米啦!!! d中一玩得好開心...不過d水唔多乾淨...... 4b d人玩玩下....肥文"訂"中左中一仔個頭...好似係中一 冇事...冇流血......係好痛囉!跟住呀sir叫d人唔准再玩~o~ 點知又發現有個男仔比野〔界刂〕親.....手指公流哂血... 佢用紙巾止左血...but呀sir都幫佢消毒+貼mandy既膠布!!(小型) 呀sir真係帶左好多野..........我地行完山一d既路 行比較平冇咁多草既路之前.. 我地係d溪水玩水...好冰涼.......有魚仔..好得意! "噗…!!"有人跌左落水......成個人浸哂落去...oh!!!!自己扒返上黎!!! 成身濕哂~~~~呀sir竟然有衫比佢換..........有t-shirt-.- 呀sir真係帶左好多好多野比我地!!!!!!!!!!!!所以個袋先咁重.. 最後我地都餓住咁行返出去車站........果陣已經6點半... 如果食lunch前冇行錯路...我地就要行多好多路....真係唔知幾點先返到屋企... 神知道我地行得慢...唔可以行本來既路...因為要好夜先返到出黎呀!! 真係感謝神比我地行少好多路...可以7點度返到學校^^ 我陪完mandy等佢呀爸...就去搭車!!8點先返到....打左幾個"乞痴"" 好似病病地................聽日可唔可以比我留係屋企..比我試下放假係屋企><!? 今個星期都好煩忙..........好想好好留係屋企....... 不過聽日應承左佢地去佈道會...... but.................我真係唔多想出門口.......今日隻腳行左好多路>< 神呀.........可唔可以等埋mandy再一齊有機會先返呀??? 原諒我吧><!!!!!!!

~~~~~~發表時間：2006-04-14 08:53 PM   [ 訪客留言(0) ] [ 編輯日誌 ] [ 分享至FACEBOOK ]~~~~~~