尋晚同欣傾左好多野...
好辛苦...好攰...
所付出ge...又得到幾多呢?

放左學...去左花田食lunch
食完晏返黎...
諗住同裕去食野...
但我突然好急...去廁所...
一去完出黎...見到裕摷緊我個袋...
咁我就好自然反應問:「你係度摷咩?」
佢話:「你個file吉左出黎...我整返好佢...」
我:「哦...thank you」
但之後佢就係度發脾氣...
話我好咁質佢...
但我一係廁所出黎見到咁ge畫面...
比著任何人都會問呢句啦...
之後野都冇食...就話返屋企...
返屋企條路比平時長好多...
明明都係同一條路...
但就好似行左幾公里咁...
好耐好長好攰...
咁長時間...一句野都冇講...
返到門口...我同佢講88...
佢一粒聲都冇出過...調轉頭就走左去...
佢個樣...完全令我諗唔到野,,,
由另一個天堂跌落另一個地獄

返到黎...開左電腦...乜都冇做...
已經瞓著左...
尋晚瞓得唔好唔舒服...
今朝已經好攰...
加上同裕咁搞法...
已經再喊唔出...
只係攰上加攰...
瞓左係電腦前...
期間電話響過一次,.,,
細佬接左...
我已經係佢...點知都唔係...

係7點佢打過一次黎...
話:你有冇野想我同講...
係度質我...
我話:你想我講咩?
佢:你冇野想同我講啦嘛~
我都唔明佢想我講咩~
我認錯?錯咩?一個自然反應都錯...
之後佢就cut左我線去食野...

點解我無論係做人家姐定做人女友...
都係咁失敗...
我到底可以點...
真係搵唔到第二條路行...
唔通真係要用返之前嗰樣野?