新年快樂~恭喜發財~
萬事勝意~新春大吉~
心想事成~最最最緊要係身體健康!!!!!!!!

呢個假期好凍呀...
凍到我想冬眠呀...
但要忙住...拜年!
今年有好多好多利是錢呀~
有幾多?
仲差少少就買到部SATIO啦~
哈哈~係咪好多呢~
唔好打劫我呀!!!!!
因為電話暑假先換完...唔會再換住...
而家已經800萬像...再換就要1200萬架啦~
冇理由換得咁快...遲D要個鏡頭跌返落去架~
所以...都係唔換住LU...
所以我只都只係拎左1/8出黎用姐
其餘就放底左...一D比媽咪KEEP...一D入返落銀行
要儲錢架嘛~
有錢唔一定要用晒GE...
雖然只係得1/8...唔多錢~
但又唔係駛得多...有排駛啦~ ^^

呢個假期好多節目呀...
初一拜年..去左嫲嫲爺爺度拜年...之後同DADDY MUMMY去行大運...
初二睇戲..同老公去左沙田睇全城熱戀...唔錯...好睇
初三初四繼續拜年..
初三去婆婆度...
初四去公公度...食左餐好正好還GE晚餐...我諗嗰晚要成2-3千先落得樓...
初五出左去補祝情人節..去左MK唱K...之後同埋老公哥哥阿嫂一齊睇72家租客~好笑...之後就去左尖東食放題~好正~好味~!!!
初六爺爺生日..去左美心食飯..又千幾蚊落樓
今日初七人日呢...就返左小組帶敬拜..
成個假期都好忙好忙~好凍好凍~

後日就要返學啦...
又要功課又要PROJECT...
真係好想唔返...
我淨係希望一日有48小時...
同埋星期一返學唔好咁凍姐~ ^^

再拜年~希望各位朋友仔~
身體健康...日日開開心心...可以日日都好似過年咁~
恭喜恭喜~~~~ ^^"