2010-6-9
晚上6點半
我地去左灣仔合和中心62樓 R66到食BUFFET

我地早左少少去到...
好彩buffet club 幫我地book位嗰個好好...
幫我地留左個窗邊位...
老實講...野食唔多...冇我最中意食ge生蠔..><
去到r66並非在意食物方面...而係咁貴上去食個景!!

嗰朝考完試...老公黎接我放學...
之後上我屋企幫我媽玩"油牆"假期
佢係到努力工作時...我更係爭取時間執返d眼耳口鼻先啦...
之後佢返去沖涼換衫...我...依然執緊,好多野要執返= ="
搞掂之後...同埋佢&媽子落樓下食元氣
食左3百幾數=0=
之後放底左媽子...我地就出左大廣影貼紙相...
其實明知唔抵...而家中意返晒相...
但唔知點解..一到左節日/紀念日...
好自動自覺去送錢入部機個口到...
影完...就坐火車去灣仔啦~ ^^

去到有毛毛雨...見未夠鐘...去左馬會買3T & 六合彩...
(不過應該輸晒~><)
上到去仲係黃昏...影左少少相...
6點半開始有野食...(食左D咩...!#$%^&^&)
之後我又繼續影相...
7點幾...媽子打黎睇吓我地食成點...好唔好食...
結果條友居然向我媽告狀...話我食VIEW唔食野...
我有食啦...不過個VIEW好味D之嘛~
雖然冇生蠔...但都仲有螺同蟹腳~賣飛佛
但...個螺係好食D架...蟹腳冇乜味...得D咸水味...><
最好食都算係甜品...食左兩ROUND~ ^0^
食到8點幾已經飽飽...
繼續影相...
9點已經走人...
埋單$381...因為有BUFFET CLUB半價 KAKA
但~唔係所有野都半價架~計人數架...
2人半價,,3人65折,,4人7折...總之唔會超過8折啦~
因為就咁拎住張卡都有8折GE~ ^^

之後諗左好耐...
到底坐307直接返黎...定坐船去尖東轉火車...定係103/109去紅磡轉火車...
但...307同坐船都要去到灣仔政府合署...好鬼遠...
103/109又冇車...所以...最後都係坐返地鐵啦~又平.又快.又抵
本來仲想玩GE陣GE我...一離開左R66已經攰死了...
上到火車有得坐...正~由紅磡瞓到太和...熟睡中...HAHA
返到屋企...又要時間拆卸返D眼耳口鼻...極大GE工程..最憎!.
同整野食一樣...整GE過程幾耐都得..ENJOY...但食完之後要執返D野...洗死人...黑人憎
(但攞自己塊面比喻成咁...= =")
最後搞到11點幾12點先有得瞓...
打電話比老公氹我瞓...相信...唔駛10分鐘就可以收線了(唔係我收線...最後都唔知傾左幾耐---= =")

哈哈~就係咁樣...就過左我地GE3週年啦~
係咪好正呢...
更係正啦..第二日唔知點死...得返一日溫BS...
唯有乖乖地...死死地氣咁努力溫書...唉...

已經UP左相...想睇GE上返FB就睇到  ^^