又過左一個好悶ge端午節...
成日去左行街..食野...
結果...今日咪要乖乖咁...係屋企搵數統...
唉...討厭呢科...早知一早轉電腦...蠢左~

早兩日...終於對呢個妹放下狠話...
我初初真係想個男仔負責任...攞走你睇醫生ge收據
但我明白...你唔想搞大件事...
ok...我冇搵到個男仔...
幾封打好ge警告信...全部睇過數十次...倒轉黎背都得...
ok...一樣del晒佢...
目的就係留返尊嚴比你...想你經一事長一智...
你唔希望件事鬧大...我尊重你...

但我知道你唔會因為咁而覺悟...遲早會再出事...
所以攞定你ge收據...另一目的係留定後路比自己...
經過上次件事...你ge blog所寫...
我係你心目中唔再係會無所不談ge好姐妹...
相反...我會用惡魔黎形容自己...
你對我只有恐懼...因為我對你屋企實在太了解...
你雖然唔想同我講...但亦無辦法可以擺脫我...

其實一直係fb你出現ge字句...每次睇完我都要壓住自己...
同自己講...你唔再係小朋友...我唔可以樣樣野都幫你諗,,,幫你解決....
希望你可以自己處理得到...

直到你msn info所寫ge野...我知我唔可以再容忍你亂黎
你所寫ge令一句說話...都令我產生恐懼...
既然係咁...我寧願你憎恨我...我只唔會再放任你...
我從來唔介意人地對我ge憎恨...討厭...因為我知道自己係一個惡魔...
但我都希望我呢個惡魔做ge野係價值...
我唔介意你點睇我...從此恨死我...
但只要一日你有把柄係我手上...一日我未斷氣我依然當你係我妹...
我都唔會比你亂黎...傷害自己...

自從嗰晚睇完你info...blog...知道大約發生咩事後...
兩晚都瞓得極差...本應發燒食藥都應該熟睡...我都但願如此...
可惜事與願違...晚晚我都嚇醒...
無時無刻都記起幾年前我見到你手上ge傷痕...其他朋友ge傷痕...
每一條傷痕我唔係睇完就忘記...我全部都記係個心到...
尋日行街...見到個朋友...佢手上又多左3條傷痕...
之後我就冇笑過...
見到佢...佢受傷都仲識搵我同裕幫手...
但我見唔到你...你亦唔會再搵我地求助...我只可以一直無形地將你所做ge野同幾年前聯想埋一齊...
每一晚我知道自己嚇醒..之後幾個鐘唔瞓...亦唔知自己點瞓返,,,
只係知道瞓醒後,,,枕頭話比我知佢濕左,,,
到底係驚嚇ge汗...定心痛ge淚...我唔想知...

我不怕世界與我為敵,,,我只怕我做ge野白費心機...
我講幾多野你都唔會聽得入耳,.,
最多你只係回我一句:唔關你事...
惡魔就惡魔到底...反正我唔在乎你點恨我...