呢兩日開始左補課lu...
尋日返半日...之後同嫲嫲飲茶...行吉吉島....
之後行吓行吓...之後去嫲嫲到食飯...
屋企又開片咁嘈...好煩...
之後返到屋企先記得要做功課...
真大獲...account present...
好彩今日都過到關~xp

今日又係返9點...
一個鐘會計...兩個鐘ue...
之後2點補到4點半...都係會計
中間2個鐘食晏...初初都唔知點hea...
食完pizza...去左7仔...之後又去左惠康行...
上堂前marco & 詹詹...笑死了...
會計令人精神緊張...攰死了...

放學返黎...老公同媽子係天橋等我...
之後返屋企食野...
唔知點解今日好攰...
可能已經成個月冇上過堂...
一時唔習慣上咁耐堂...
攰到唔想講野...
媽子返黎煲冬瓜水...
(因為今日係小暑...小心身體)
咁諗住叫老公留底飲埋湯先走...
(突然諗起兩年前...因為一時大意...唔記得拎d冬瓜水走...冇比到兩個人飲...直到而家...)
老公之後入左我房休息...正經地休息呀!
我以為佢瞓著左...諗住幫佢除左副眼鏡...點知嘈醒左佢...
之後老公d態度就好似變晒咁...
老豆返左黎...廢事佢多聲氣...
兩個出返房...出到去幫佢按摩條頸...硬到飛起...
佢坐係sofa...我企係度...
叫佢坐直...佢又曲埋...曲埋根本按唔到...
忍唔住話左佢幾句...
之後就收到句"老豆又話我..唔想聽到你都話我"
我已經即刻收晒聲...
媽子開到聲叫你留底食飯...
但你趕住返去...
算吧...
放底左個樽...留左湯比你了...

之後心情一樣未平復到...
媽子叫開飯...我真係攰到唔想行...
叫細佬去...
老豆用緊大機check e-mail...細佬用我部機...
佢話:"你命令我呀...我係唔去呀~"
我就頂左句:你咁大牌...我點敢命令你呀"
之後收返部電腦...一大力扯...
整跌晒d野...
細佬又開始開火鬧...話我食野唔做野...次次整亂間屋又唔執...
我頂唔順..唔想嘈...入左廁所...
終於頂唔順...崩潰了...喊左出黎...

但已經試過ge我清楚幾耐可以回復...
好快我又行返出廳...冇事咁如常食飯...
只係...真係唔想講野姐...