2005 年 11 月 13 日  星期日

買左個斜咩袋 

星期日如常返體操，係放學過陣，經過一個叫馬鞍山的廣場，我見有時間，所以就入去行下、睇下野咁。之後我係三樓望落去大堂度，見有一檔車仔檔，周圍掛滿晒袋，於是走去佢到，睇下d袋，岩就買返個。由於我睇中左個袋（紫色的），老闆娘見我好似好鍾意個袋咁，就同我講：小妹妹，呢個袋好大，可以咩返學。我就話：點賣牙？佢話＄６０。我同佢講：平ｄ啦！！佢就話：已經好平的啦，之前賣７０嫁，都賣左好幾個。我就無應佢，過左幾分鐘，佢同我講：唉∼∼見你咁鍾意，５５蚊賣俾你啦！！我就好開心咁同佢講：好！你攞個新的出來啦。跟住佢就去找，ｔｈｅｎ佢同我講無新啦，得番呢個，你要唔要？於是我想左陣，就話：既然你得番呢個，你再平ｄ賣俾我啦！佢好無奈咁望住我講：見係你炸，５０算啦！最終以５０元成交。佢係入袋個陣自言自語咁講，而家ｄ細路，真係好數口！！