今日我要去馬鞍山上堂，當我係SSP站過陣，一行十多人拿起個行李喼，衝入來，由個一刻開始，我一直留意ing佢地(我覺得佢地一定係自由行的大陸居民，因為以下的情況通常都係大陸人先會咁做)，佢地入左車箱，就係咁係度講野，本來就無問題嫁，但係佢地就講到好大聲，全車人都望住佢地，佢地都唔知，仲要愈講愈大聲.......終於都到左九龍塘站，佢地落左車，全車人一定覺得耳根清靜，不過我就慘，我唔知我仲要聽佢地講到唔知幾耐。好彩，我一路行一路行，行得好快，來佢地好遠。當我行入九鐵之後的20秒，就關上門，我以為佢地搭唔到呢班車啦，點知我見到有其中之一個人走左入來，又想出返去，因為其他人無上車，就係就要關門的時候，其他人企圖拉開度門，等個人可以出返去，不過唔洗佢地拉，度門都自動開番，個人就好開心咁出左去，但係由於佢咩緊一個好大的袋，度門就夾住個袋，其他人見到，又企圖拉開度門，全車人就好不滿，唔滿意佢地左住曬......好彩，後尾佢地出到去，列車就開出。