星期五(Day 6)

班主任課,寫全班之最,班主任話我哋只可寫三個,但我寫左10-20個.

中文,羅老師成堂係到講我哋班發生d事,而吳淑燕則叫晴同兒出去傾.

體育,打羽毛球,鄭!打打下羽毛球,Miss 馬叫我哋坐曬係佢面前,佢教我哋第二種開羽毛球方法.

我都識曬囉,駛物聽姐,突然黃x殷叫我望上去,我望左上去問:咩呀?

佢話:你既初初(初sir)呀~我問:邊有呀?佢話:有呀~你一陣望下,佢應該落校務處.

一陣之後

喂!那~都話架啦~你既初初呀!我一望,嘩~真係喎~就即刻扯開話題,叫個同學:殺佢i啦~(羽毛球殺波)

聽完Miss 馬講解之後,又自由打波囉~同梁x嘉打打下,初sir突然從校務處出翻嚟~

搞到我精神緊張,突然梁x嘉又打得勁前喎~咁我一於跑上去,一bad!

梁x嘉即刻大嗌:初sir(叫法經改编),葉詠詩bad我呀......(其他我聽唔到)

點知,初sir不但不應,仲走左去.

梁x嘉勁𤓓喎~我嗅到勁大陣𤓓味囉~臭臭~

小息,好似冇嘢做~唔記得左.

科學,睇片,我哋則係到睇啲同學究竟係班主任課寫左啲咩......

數學,吳淑燕又係到講羅老師中文堂講啲嘢,又話:請你哋收聲啦下~印啲格仔纸比你哋係理所當然架?

英文,啲同學同Miss Fung傾計,又唔想上堂呀下~你班友仔呀~

lunch,同詩子傾今日啲嘢~

代Miss 張嗰個Miss 李睇堂

Drama,去禮堂,爬嚟爬去.周圍玩,瞓係到寫嘢~

第一次瞓係禮堂嗰台上到,好頂癮~

又打田雞pat pat,你個pat pat好大呀~

放學,又話錄德公部啲嘢,搞到我著曬醫生袍或者你話科學家袍都得既~

點知,又話冇錄影帶~咁唯有星期一先啦~

於是我將啲錄影器材搬翻去盧老師個位啦~

見到初sir,佢問:你做咩著成咁呀?我答:拍戲囉~我問:我似唔似醫生呀?佢答:似呀~

然後,我同Miss Fung同啲f.1係到傾計,好多f.1都認得我,仲話我勁型添~ya~原來我咁多粉絲既~

有人又叫Miss Fung唱歌,我話Ms Fung:您敢唱?

然後,肥馮話:初~初~初~我試音姐嘛~唔得咩?

肥馮,您好嘢!

啲f.1一聽就問:咩呀?

我問:邊個係1a既?個個舉手.我又問邊個係雙數组既?又有勁多人舉手.

然後我又問:邊個教你哋人文?個個答:初sir(經改编)

然後有人問:咩事呀?我轉身就跑,嘩!十幾個跟曬上嚟,好彩我跑得快,然後我想上去攞書包,點知,事件重演.

今次佢哋左右包抄,好彩我係韋小寶二世,頭腦轉得快姐!走前門~

最係,啲f.1問我攞Ms Wong張囍帖睇,又搶~

然後我叫佢哋有料要話我聽,我又係1a搭多幾條天地線喇~

初sir,您去到邊,我都知架啦~算啦~

翻到屋企,勁有feel,想寫詩,於是,我寫左:

走在陰天下,我停了在紅燈前

我感覺到風中夾雜了一些小雨點

雨水,停留在我的眼鏡上,原本讓我可以看清楚這世界的眼鏡,一下子變得朦朧

天上的雲,遮擋了真相,使別人看不清天空究竟搞什麼花樣

風,一早吹過我的衣服,來到我的身體上,使我顫抖

樹葉,則被風吹得像扭紋柴一樣,抵受不住了,就輕輕地落在我跟前,擋住了我的腳步,向我求救

This is the end of that day from school.Thx for seeing.