星期三(Day 6)

班主任課,睇德公部個段片~駛唔駛咁大隻字寫住:主持  2B  葉詠詩呀~

到我個段個時,我即刻book低,個個睇到都係到笑~其實自己都笑緊

班主任羅老師就走過嚟拍左一下我個頭~

中文,抄低d嘢落我本筆記先~

P.E,打羽毛球,2D考先~我考先考後都冇所謂架~我咁勁~

初sir又落又上,一共來回左兩次~

小息,比翻條鎖匙比Miss 馬.

科學,做實驗,做完實驗之後,突然有一陣臭味~

威sir話:邊個放屁呀~

我忍唔住笑:哈哈哈.

數學,Miss Ng終於識同我哋開玩笑喇:你哋可以話陳偉賢平行覃良架~冇問題架~

英文,Miss Fung讚我哋,ya~

lunch,同詩子傾點整估d老師~

詩子話:話d老師:咦?老師,您塊面污糟左喎~佢哋一定話:下?邊到?咁米得囉~哈哈哈

詩子又話:一係呢~就話d老師:拿,我依家傳d魔術比佢,然後叫佢自己大巴大巴咁打落去自己塊面到~

結果,我搵左Miss Fung嚟示犯,佢真係照做喎~

我仲話:不如搵初sir呀~詩子就話:佢一定唔采你咁走左去.

點知,講講下,譚sir搵我喎~

我以為物事,點解譚sir話:唔好意思,Miss Fung左一左你,我搵一搵佢~

Miss Fung:哦~好呀好呀.

譚sir就同我講喇:er...聖經問答比賽,你個班搵你做代表,好唔好?

我話:下!點解搵我既?

譚sir話:你係你個班有代表性呀嘛?點呀?

我話:咁......您話事喇~

佢就話:好啦~咁唔該曬你.

然後,Miss Fung問我譚sir做物搵我,我話:譚sir叫我去個個聖經問答比賽姐嘛~

Fung:哦~搵你去出醜姐下話?

閱讀堂,Miss 張睇堂.

行樓梯去上五樓時見到初sir,d同學望住我,我唔理,照同初sir傾~

我玩初sir:初sir,您塊面污糟左喎~

然後初sir話:係咩?

然後,初sir係到抹佢塊面.

哈~估唔到初sir幾信我架喎~

於是,我見初sir咁信我,就講左個真相比初sir聽:愚人節快樂呀~

Drama,又做畫劇,起無聊喎~

放學,又見到佢,我望下初sir,初sir微笑左一下,又望左我一下.(我唔知佢個下算唔算係望呢)

又同初sir講:其實呢我呢暗戀左您好內架喇~

然後又同佢講:堃您咋~愚人節快樂~

見到溫樂詩,叫佢過嚟,同我一齊擺d科學作業簿,我話:威sir係唔係到呢?我要話比佢聽我冇點d簿喎.

點知一講曹操,曹操就到~威sir就落左黎啦~我又玩威sir:威sir,您塊面污糟左喎~

佢又信,又係到抹塊面~

哈~威sir又信我.可能佢哋時覺得我好正經瓜~

我點簿,溫樂詩話:我有交架~

我話:你個本比黃x豐攞左去喎~

佢話:下!咁點呀?

我話:搵威sir囉~

佢話:你幫我講呀~

我話:好呀~

於是,我叫左威sir,威sir話:咩事呀?

我話:溫樂詩搵您.

溫樂詩就話:er...黃x豐攞左我本作業呀~

威sir就話:咁呀~報警喇~

我話:咁借您個電話嚟呀~

威sir話:唔得~call左去,會比人封架~我:係架咩?

威sir話:係呀~會比人封左一陣先開翻架~

我話:哦~呀!係呀~我想講呢,er呢(威sir超專心咁望住我),其實呢,我想講呢,溫樂詩其實暗戀左您好內架啦~

佢呆左一陣,話:車~好多人都咁同我講架喇~聽厭左喇~

於是我話:愚人節快樂呀,威sir~

威sir話:車!愚人節都唔關我事既~蠢人d節日都唔關我事既!

威sir,您真係呀~