星期五(Day 2)

今日既主角係-初sir~

中文,羅老師話: x珈嘉,唔好成日將塊面側埋一面,我驚你第日大細面呀~

眾同學即刻:哈哈哈哈.

羅老師仲話通常d戀情都是係自修室開始架喎~

羅老師話:「你最吸引人的樣,就係你最專心既樣.」(真係?)

英文,派測驗卷,唔算差~

叫Miss Fung幫我哋將d中文問題變成英文問題.

Miss Fung問:「邊個搞埋d咁既活動架?」

D同學個個指住我話:「佢既初初(初sir)囉~」

數學,又做數~我做左一題就係到睇下個鐘~ya~就黎小息啦~

小息,驚死君妹傳d女人嘢比我哋,我拖住啊女就走~

今個小息初sir巡校喎~佢係我哋班房門口裝左一下,就走左囉~

去校務處買口罩.

DT,交小型壁報版囉~

下~合班.單數組都落埋嚟~

聽邱sir講都冇咁無聊,嘩!到Miss 伍個陣,如果我唔係坐前排既話,我一定瞓著左~

分組,好一個田雞粥呀~過檔!

最後同安安,周詠媚,周銳,覃良一組.

綜人,又見初sir喇~ya~我叫起立,多謝d同學比面我即刻企曬起身.

建成區?我話:「樊建成呀?」

D同學就話我鍾意佢冤枉呀~我借樊sir嚟激初sir姐嘛~

點知,初sir望住我哋呢面喎~我以為佢望堅哥.

(因為Miss Ng話堅哥上堂成日係到唔知搞d咩~)

我即擰轉頭叫:「堅哥......」

點知......

初sir叫:「葉......」

(我望返過去)

初sir隔左五秒先再講埋我個名後面嗰兩個字–

初sir話:「詠詩,你戴住個口罩都可以咁精神既~」

我唔係冇嘢好講架~不過,我見係我最尊敬,鍾意既初sir,我唔會頂初sir嘴既~

其他老師?睇下佢係邊個喇~如果唔係我一定頂返佢!

周銳同張衡即刻扮:「咳咳咳咳~」(明玩嘢呀~)

初sir您有心抑或冇心架?將我個名分開叫~雖然您呢兩個字講得好好:詠詩.

我好感動呀~

初sir今堂竟然係到搞爛gag喎~

初sir對作業個時話:「E,E for 雞蛋.」

D同學即刻笑曬:「哈哈哈哈~」

(您抄我呀初sir,我上次就係上英文堂講話:「want 加 ed~」

我就比Miss Fung鬧喇:「邊有人話:『want 加 ed架~』)

之後有d同學話egg唔係雞蛋,係蛋~

然後初sir就話:「係我錯,咁E for 蛋囉~」

對完作業之後,初sir講書喇~

初sir話:「呀,有d人可以一打開窗呢,就同個鄰居握手架喎:『呀~你好嗎?』」(做埋手勢)

初sir仲講錯嘢添:「一,二村(其實想講千字既~)蚊~」

好彩,初sir更正返:「一,二千蚊......」

之後，初sir話:「人哋開party點架?」

葉銳輝即話:「拍丸仔!」

初sir即話:「不可一,不可再,唔駛諗啦~」

嘩~今堂真係好精采呀~初sir,好耶!抵我咁鍾意您既~

lunch,落樓梯個陣~栗子,細蚊,你哋又玩我啦~推我落樓梯,差幾步就掂到初sir喇~

栗子,你又叫我飛撲過去初sir個到喇~上次你話既kiss me baby 都仲未夠呀?

又想玩我?

細蚊,你又叫我記住初sir個句:「E for 雞蛋~」

仲唔夠~落到去一樓個陣,初sir向右轉,我哋則繼續落,點知,細蚊好大聲咁講:「初sir,有人鍾意左您呀~」

同詩子一齊食~又係講今日綜人堂既野~

閱讀堂,Miss Ng 捉人出去影全班之最d相~

我則成堂係到數同學交齊左綜人d回條同錢未~成堂冇睇過書~

科學,威sir話:「我既喉嚨痛到冇得再痛,所以就好翻啦~」

威sir仲搞gag話:「江同文既人結婚就好笑喇~江,文聯婚冇問題~

不過,佢哋死左之後就慘喇~『江門文氏』!」(哈哈哈哈)

放學,同啊女(溫樂詩)去搵初sir,交翻同學綜合人文d回條同錢比佢

見到細蚊and栗子,

栗子又話我同初sir:「羅密初與茱麗詩喎~」

「係囉~你都同佢瞓過架喇~鴛鴦浴,物都比佢睇曬喇~你成日都幫佢抹身架啦~」(O嘴)

你哋真係物都講得出架喎~

講講下,初sir就黎喇,栗子就話我:「好緊張呀~」

我叫初sir:「初sir,我要交野比您.」

初sir話:「交咩?」

我:「交綜人d錢比您~」「收齊未?」「未呀~」「哦~」

「您數下齊唔齊.」「係米每人20蚊呀?」「係呀~」

(細蚊同栗子係初sir後面整估做怪,佢哋係到指黎指去,又指我又指佢,然後佢哋整左個出嚟~)

「(心算緊)......37人應該有6百幾架~」「但有4,5個唔去喎~」

「等我入去數下d錢先下~一陣出嚟話你聽下~」「哦~」

初sir入左去,栗子同細蚊話我:「你做咩唔叫佢係呢到數喎~」

「係囉~你同佢講:『我可以借對手比您架~』」

「係囉~你話再唔夠,你借埋隻腳比佢呀嘛~」

我就話:「咁再唔夠呢?」

栗子話:「再唔夠,你米借埋成身比初sir囉~」(又o嘴)

冇幾耐,初sir出翻嚟話:「啱數喇~」

我攞出個五毫子出嚟,然後叫初sir:「初sir,我變個魔術比您睇呀......」

初sir話:「哦~好呀~」(咁順攤既,平時唔肯架喎~)

突然,我又諗起d嘢,於是我問初sir:「呀!初sir,您4月9個日,係米同我哋坐車,一齊去呀?」

初sir話:「係呀~」我話:「您唔係揸車去咩?」

初sir話:「唔係~我跟你哋車去架嘛~」(Ya~)我:「哦~」

初sir就話:「係囉~咁到時先變啦~」我話:「唔好~依家變喇~個日變其他個d呀~」

初sir又真係聽我講喎~琴日同前幾日又唔肯喎~初sir,您真係呀~

然後我就梗係變魔術比初sir睇喇~真係我望邊,佢就望邊喎~

當我變完之後,

初sir就話:「車~你米又係變翻個五毫出黎~」

我話:「我梗係變翻個五毫出黎啦~唔通我變個一蚊比您呀?」

初sir話:「我應為你會將變五亳變做一個一蚊添~哈哈哈哈~」

講真,莫講話溫樂詩呀~我都真係未見過初sir笑得咁燦爛架喎~

真係喎,係笑到出聲個隻喎~

我見到初sir開心呢,我就開心同滿足架喇~

告別初sir後,我同啊女(溫樂詩)一齊去新翼擺功課及測驗記錄冊.

嘩~136教員室好似打扙咁喎~136 D 老師只係暫時搬上六樓姐,駛唔駛搞到好似打完扙咁呀?誇張!

係窗既另一面,我見到譚sir~佢戴住口罩喎~我用手勢問佢:您又戴口罩呀?

譚sir用手勢答:係呀~(下!唔係又係我傳比您既下話?)

威sir話我同我傾完計之你,喉嚨好痛.彭sir琴日睇完我哋堂,我又見到佢戴口罩.

譚sir前幾日同我傾過幾句,唔係下話~

落到去,我見呀靖d羽毛球技術咁差,諗住教下靖,佢哋話想同我打,個個都唔係我對手.

之後,靖話想同我打,我話:「咁你陪我送走溫樂詩先呀~」

送走溫樂詩,我哋見到劉sir,我問劉sir:「我個次拉得好差咩?」

劉sir答:「係呀~個次得你一個拉錯曬d節奏.」「係咩?」「係呀~」

於是我又話:「咁我變個魔術比您睇呀~」劉sir話:「好呀~」

點知劉sir同初sir一樣,我望邊,佢又望邊喎~

變完之後,劉sir笑住話:「嘩!好勁呀~」(無奈)

劉sir話:「真係架~掂喎~嗱~如果你學樂器好似你依家咁就好啦~比心機練好d樂器喇~」「嗯!」

又告別完劉sir後,我同靖一齊周圍去借拍,點知周圍都冇~

靖問劉倩琪話:「可唔可以借個拍比我同葉詠詩打陣波呀?」劉倩琪話:「唔得呀~」

靖一氣之下,話:「算啦~我唔打喇~」就拉住我走左喇~靖,唔好唔開心喇~

This is the end of that day from school.Thx for seeing.^^