星期三(Day 5)

hi~我係葉詠詩.

要7:40分返到學校,準備週會d嘢~

早會,交點名簿比呀女保管~

週會,點解d人令快上黎架?d人望住我,有d緊張添~

我係台上見到初sir叫琴日教我哋art個件豬扒坐,比佢激死!

我問3b個男仔:「台下個個,呢,個個實習老師呢,教art個個呢~」

我仲問佢:「係米極品靚豬扒呀?」佢答:「豬扒冇極品架~係豬扒!」

我問隔離個兩個男仔有冇背個張嘢,佢哋都話:「冇~」,下~咁我米賴嘢?

羅老師做司儀,咁大個名貼出黎架~羅老師仲要講埋我哋d名架?唔好啦~

但羅老師都係要講,講到我個名個時,有 d Form 1仲係到笑添~有咩咁好笑呀~

第一環節,咁快到我哋既?唉~死呀死喇~叫1B個男仔揀二號信封.

我叫佢攞咪,然後我講答案,佢攞住個咪答.佢真係冇背架喎~

題題都問我:「點呀?」結果全部都係我答.比C班領先添~

第二個環節,台下必答,1B,2B都冇衰,就係3B衰左囉~

我哋真係衰呀~其他班答個陣時,我哋係到猛叫:「唔識! 唔識! 錯! 錯!」

到第三環節喇,最後一個環節喇~搶答題.我一定要幫B班爭氣及爭光呀!我決定同其他班爭!

前6題度,我都冇答,因為我背得唔係好熟~佢問D我驚答錯,

我唔想好似隔離班咁呀~倒扣分!

到我識個d,我本來叫1b個男仔舉牌既~但我叫佢,佢先舉,

我覺得太慢喇,叫佢比個牌我,我舉,但依然都係我講答案,佢攞咪答!

羅老師話:「尾二個題......呢個故事/比喻(我忘了係故事抑或係比喻)其實想教我哋d咩呢?」

就係尼一題,由於冇人答,咁我記憶我好似有背到,識答,於是我舉牌.

由於答案太長,所以我講完比1b個男仔聽之後,佢可能記唔到瓜,叫我:「不如你答喇~」

我一聽,咦~又係喎~為左唔好人「叮」(5秒超時),我即刻搶左佢個咪,

答道:「教我哋有既就要比多d佢,冇既就要攞埋佢個d走~」

我答完呢個答案,即刻望住羅老師,等佢公佈是對是錯.

羅老師話:「非常正確~」台下有d同學即刻拍掌.

我即刻 ya 左一聲,仲要做埋手勢添~

由於最尾一題,冇人識答,我哋B班同C班既同學同分,共得400分

所以要答最尾一題,問左我背得唔熟既問題添~最終我哋輸左比C班,攞亞軍.

校長上台時,同我握左一次手,又同我哋講:「恭喜曬~」然後就走左過去同C班d人握手.

我旁邊個兩個男仔就問我:「點解校長淨係同你握手,唔同我哋握手既?」

攞獎時,台下d人見到坐我旁邊1b個個男仔冇X衫,就係到大叫:「冇X衫呀!」

到我攞獎個陣,我梗係蚊好d衫先啦~

然後我同校長握手,校長同我講:「恭喜曬~」我即答:「多謝~」

之後米影相囉~由於個老師太內都未影,所以我笑到唔係好自然.

比賽完左之後,譚sir同講:「好好呀......」(我忘了)

就係咁,返到班房就派獎品比同學,原來獎品係每人一包尤魚絲,車~

今日寫到呢到先,聽日再寫下~