2009.9.2

我9:00返左學校,

why?

BeCaUsE劉sir想搵我其他學習經歷介紹日表演中樂,

So琴日劉sir 就搵楊樂兒call我~

搞到我未瞓醒就要返學校~

返去練左幾個鐘~

最後楊樂兒同康志維都ok,

我就好hea咁拉,

然後劉sir話我:「葉詠詩,你好快d練好佢呀,如果唔係我殺左你呀~」

練完中樂,

去左陪楊樂兒搵佢班主任,

又見到初sir,

我哋都冇打招呼~

BeCaUsE佢同校工傾緊嘢~

之後返屋企換衫,

然後去左同田雞,詩子影貼紙相,

笑到我唔記得哂D動作~

2009.9.3

星期四

本來我係唔駛咁早翻學既~

但係係好早之前,

就有一位老師搵我做司儀.

所以我好早好早就返左黎,

點早?

8:00過d我就返到學校囉~

今次我搵埋呀靖做我拍擋,

其實一向都係架啦~

有老師搵佢做司儀,

佢就會搵我做拍擋,

相反亦是如此,

有老師搵我做司儀,

我就會搵埋呀靖做我拍擋~

今日我真係好忙,

8:00返到去睇下邊個個稿好d,

然後就抄落去張細卡到~

抄抄下,劉sir要我拉一次二胡比佢聽,

於是我話:「嘩~好忙呀,您睇下,嘩~真係忙到......我都未抄完~」

於是我就咁推左囉~

跟住我同呀靖係后台同劉sir佢哋狂傾計,

又嚇楊樂兒,康志維同鄧柳梅話佢哋就黎出場~

收工之後又見到初sir~

今次佢有同我笑喇喎~

2009.9.4

星期五(Day 1)

朝早同詩子去校務處,

見到呂老師,

呂老師突然好大聲咁叫我:「女班長!以前邊個攞點名簿架?」

我指住我自己話:「我囉~」

早會,譚sir好多嘢講~

第一堂,科學變左做班主任課~

又收暑期作業,

又收相之類,

好亂~

黃睿楓超搞笑,

比老師叫錯三次名~

然後班主任呂老師仲派我落去校務處問,

幾時收簿費,

去到校務處,

d書記又唔知,

好彩李玉燕老師在~

好快就過左科學堂~

第二堂係中史科,

係個新老師教,

叫陳文偉老師喎~

9.1班主任公怖錯左中史老師個名,

又話係張靜文老師,

點知係陳文偉老師~

有一部分超搞笑喎~

陳sir講緊話佢以前點對付個d有暴力傾向既學生最緊張既時候,

男班長豐哥突然「砰」一聲連人帶登跌左落黎~

笑到我哋碌地~

ThEn~

第三堂係中文堂,

個中文老師就係前一日搵我做司儀既黃妙玲老師~

佢叫我哋訂報紙,

話要剪報喎~

黃老師仲叫我等同學傳完個張野之後,

就由我去交返張紙比佢~

之後就小息囉~

小息,搵人同借書~

又見到黃妙玲老師,

佢叫住我,

佢送左本簿同一張卡比我同呀靖~

話唔該我哋幫佢做司儀~^ ^

然後就到第四堂數學堂喇~

任教老師係朱詠倫老師,

朱sir又叫我幫佢整多一個坐位表比佢~

好快又到左第五堂同第六堂喇~

我既English teacher 係張月卿老師~

好嚴既佢原來都有搞笑既一面,

話3a個樊阡鎔同范修榕係米兩姊妹,

佢哋話:「兩個樊/范都唔同~」

Miss Chang就話:「一個白飯,一個『痴』飯呀?」

After,就放lunch~

落到二樓啱啱好撞到初sir,

初sir望住我笑,我又望住佢笑~

然後hiddy wong就係后面大嗌:「葉詠詩,你老公對住你笑呀~」

溫樂詩擰轉頭望我係到笑~

同hiddy wong去大興食~

食完飯就到閱讀堂~

閱讀堂係謝小明睇堂~

勁煩喎佢~

又叫我寫低冇帶書d人個名,

又要查我哋睇咩書,

驚我哋睇咸書咩?

真係比佢吹脹~

第八and第九堂係綜人堂,

d人問我係米成個暑假都祈禱~

佢哋咁問係因為,

今年綜人又係我誹聞老公(現升級為老公)初sir教~

唔知今年有冇得赤柱一日遊呢?

初sir一入黎,d同學們就唉左一聲~(除左我冇,我笑都黎唔切~)

由中一至中三三年都係初sir教~

我真係感謝上帝囉~

初sir上堂冇幾耐就叫班長出黎~

我指住豐哥,

豐哥又指住我~

然後成班都叫我名:「葉詠詩呀~」

ThEn~

豐哥去左搵一張紙,

而初sir就問我:「葉詠詩你真係冇見過張野?」

我:「冇喎~」

然後我問初sir:「您今年教3a中文呀?」

初sir話:「係呀~做咩呀?」

我話:「咁您『奶』嘢囉~」

初sir問:「咩意思?佢哋好多人唔鍾意我咩?」

我話:「佢哋會玩您姐~」

然後初sir笑左笑,

佢走左過去同梁嘉珈傾計,

講真,

我有d呷醋架~

我擰轉頭,

同安安傾計,

傾傾下,男班長豐哥終於返黎喇~

之後我就同豐哥都要出去幫手派簿~

派完簿之後,梁嘉珈冇一嚿野,

於是我比左我個個比佢,

佢同我say thank you,

我同佢say翻 you are wellcome~

冇幾耐姐,

初sir就問邊個冇個嚿我啱啱比左梁嘉珈既個嚿野,

冇人應,

終是初sir比左我,

話放係我到先~

then,

多左成大疊原稿紙,

but冇左好多英文作文紙~

初sir就叫我去搵呀呂老師問佢依家去校務處搞掂埋佢先抑或星期一先,

呂老師話依家整埋,

於是我就返去同初sir講,

初sir提醒我話要搵班主任簽名~

初sir就叫我同豐哥搬餘下的原稿紙落去校務處~

hiddy wong話想去搵呂老師,

但初sir唔比,

於是我話我幫佢,

because我怕......hiddy wong又玩我「老公」~

初sir再三提醒我話要搵班主任簽名~

落去校務處時見到盧老師上體育堂,

同佢打左個招呼~

好快搞掂晒~

上到去初sir因梁珈嘉一句話罰我哋成班企~

在此我向各同學道歉~

初sir您唔好咁喇,

我幫到您一時,

幫唔到您一世架~

初sir落堂前好搞笑話:「d同學成日都話要去廁所飲水~」

d同學話:「去廁所飲水?」

又笑一餐~

話咁快又放學喇~

搵左d老師,

羅老師好天真~

以前我同初sir既誹聞會告一段落~

hiddy wong叫錯吳老師個名~

then去左學生會買簿,

再then返歸~

係輕鐵站見到馬輝青老師,

同佢傾左幾句~

佢就上左車囉~

一開學就咁多嘢忙,難怪有d想病~

我琴晚係到諗,

如果我失憶or死左會點呀喇?

會有幾多人黎睇我呢?