今日10點就起左身，跟住出去練波，練完番屋企，之後基哥打給我，話叫埋阿史去游水，跟住約左7:30在泳池等。

7:30去到泳池，阿基話無帶學生證，要問我借錢，借左20蚊給佢，之後見到我阿哥個fd，跟住阿基話去跳水，跟住阿史又跟住跳，跳左落去，唔識上番黎，原來阿史唔識游水，跟住阿基又同佢講唔好郁，會自己浮上黎，跟住個救生員罵阿史，話佢唔識游水又學人跳水，勁多人笑佢，游完水，去M記買完野食，番歸........

今日起身都已經係12點幾.....之後出左去上水食大快活，阿活咖哩都唔好食ga，之後去遵理補習，補完習番歸，之後neo打給我，叫我出去踢波，6點幾同佢d fd踢左一陣，亞基都有黎，之後踢踢下d人開始走，跟住同亞基去左石場踢左一陣，買埋杯麵番歸..........

今朝11點幾起身，有d肚餓，所以煮麵食，之後下午就同阿媽飲茶，之後去左銀行cheak數，買埋勁舞3.1版隻碟，番歸，挑勁舞。

今日第一日玩番勁舞，188退步左，得50m，唉，8k衰左，142得60m唉，要俾心機練番

尋晚讓左部機給我老豆，所以過左二樓同阿哥打機，之後在二樓道訓，p你個k呀，今朝老豆又過黎嘈9醒我，頂佢，無一日訓得到一教好ga，11點幾就過黎打機，我問佢點解要過黎打呀，我間房又唔係無機打，之後佢話想同我挑機，玩勁舞同打winning喎，所以炒醒我，頂.........打打下我老豆發脾氣，掟爆手制，屌 .....唔只一次啦，之後佢話番工，放低左200蚊叫我買多幾個制，放定在道..........

下午出去飲完茶，給人逼我去報補習，報左遵理........之後幫我阿媽令野番屋企，之後，趕車去踢now，在球場見到老張同佢d fd在道煲煙，之後Neo果d重遲過我，踢完矮瓜、亞雄、亞基、neo同我去左7仔飲野，吹左陣水，之後各自歸家.............

今日朝頭早9點幾，給咸濕佬條友，打黎嘈撚醒晒全家，搞到我阿哥果d在屋企發癲，之後下午一點幾，我阿哥同阿爸番左工之後，又唔知有咩做，所以唯有有大食大跟我阿媽飲茶，順手去銀行入錢落戶口，跟住逼住跟佢行街市-.-，唉，如果唔陪佢ga話，我就以後都唔洗見到我部機架啦.........

買完幫阿媽令埋番屋企，之後繼續打winning