唉......勁耐冇寫日記啦,呢排都冇乜心機寫日記,因為實在發生左好多事,而最近就發生左一件大大大大件事啦!!!
 因為我從來都未試過同時間整喊四個女仔同一個男仔嫁!!!(犀利呢)
 呢件事係發生喺上星期二學校聖誕聯歡會後參觀香港動植物公園的時候......因為張天朗跟住班女仔的關係,所以我就話佢係「食軟飯的張朗」囉(鬼叫佢成日串我呀!
 ),不過估唔到佢會因為咁而喊(都未見過啲男仔咁易喊
 ),我夠成日俾人串,俾人改花名啦,又唔見我喊。不過我同佢講完五次「KENNTH,對唔住囉......」之後佢仲識笑識串人就知佢冇事啦!
 而我整喊嗰四個女仔,就係"袁曉彤,嚴樂恩,周沛希,陳靜閒啦!!!"我只不過係喊左佢地兩次「嘩!絕左種的哥斯拉喺度周圍走呀!!!」之嘛,佢地就大喊啦。其中周沛希仲同埋張天朗一齊喊添!我咪同埋伍詠勤、蕭沛軒、盧鴻俊等兄弟一齊向佢地講對唔住囉,但係佢地四個原諒左伍詠勤、蕭沛軒,但係佢地始終都冇原諒我同盧鴻俊。我地講左無數次"SORRY",喺msn又講,但係都冇用。伍詠勤就同我講:「咪有得佢地喊囉,都講左SORRY囉,仲想點姐!」雖然係咁姐,但係我始終覺得有啲唔安樂添。我相信我一定可以用我的誠意嚟打動佢地嫁!!!
 或者好始盧鴻俊講咁用時間沖淡一切啦!!!另外一件事就係我個好兄弟"蕭沛軒",有人鐘意佢呀,真係好善霧佢呀
 如果有女仔鐘意我就好啦!!!
 雖然我鐘意袁曉彤,但係我真係諗唔倒我有咩配得起佢
論樣貌,我樣衰成咁,係女仔都唔鐘意我啦!!!論身材,雖然佢肥過我,但係我又唔夠其他人大隻!!!論富有,佢住半山區,我住半島區(姐係海怡半島),佢望的是香港美麗的夜景,我望的只係無敵大海景,佢咋Mini Cooper,我只係咋Benz咋!!!何況佢都鐘意左鄧卓軒啦。所以我真係諗唔倒我有咩配得起佢! 我根本無資格鐘意佢!!!
 我想喺度多謝一直喺背後默默支持我個日記�H同學!!!
 最後,我謹在此恭祝各位睇我個日記的人
Merry Christmas and Happy New Year!!!
(本文章純水發表個人意見
 )
|
