今日我６點起左一次身，

６點半又起左一次，之後到７點先至正式起身！！

然後到７點２５分倒先出門口...

今日唔洗集隊...

因為咩４．２３世界閱讀日喎！

所以我地就要係課室到睇ｄ中，英文文章！！

陳ｓｉｒ係早讀個陣比左張紙我...

係通知我，蚊蚊，阿朱係２８號校慶日去校長個個生日會既，

雖然我係想去...不過我就唔會去架喇！

我嗌左阿朱叫區區代我去...

免得到時我同佢面阻阻就唔係咁好啦∼係咪！！

而且我去黎都冇意思啦∼！

跟住到左ＥＮＧ堂...

我地係到睇Ｓｐｉｄｅｒｍａｎ！

你唔好以為Ｍｉｓｓ　Ｗｏｎｇ會咁好放過我地呀∼！

佢仲要我地一邊睇一邊做Ｍｉｓｓ　Ｗｏｎｇ比我地做既問題...

到ＣＨＩＮ堂講埋幾個個人短講...

之後就講左ｄ有關聽日小組討論既野...

到落堂個陣，黃Ｓｉｒ同我傾返朗誦個ｄ野！

傾完之後就去上ＭＡＴＨ堂！！！

到ｌｕｎｃｈ個陣...

我去左同嘉義佢地食，

食完之後我要返學校練朗誦！！

我係３樓見到潔恩...

原來佢搵左我成日喇＝　＝＋

又打電話比我，又ｓｅｎｄ左訊息比我，

但係我竟然咩都唔知...

因為我感覺唔到佢震掛！

一見到佢，佢就勁問我ｄ野...

點呀，同佢地點呀？你岩岩同邊個食呀？要老實呀！等等.....

因為黃Ｓｉｒ等緊我既關係，所以傾左幾句就算喇！

跟住上ＣＨＩＳ堂肥鄭佢仲唔肯收口！！

唉！佢收下口唔洗死架＝　＝”

到放學個陣，我去圖書館還書,,,

跟住見到潔恩黎搵我！

原來佢好擔心我架！！！

所以就搵我一齊放喇∼！

到後尾仲加多左隻死豬添！！

我地係樂湖到行左一陣...

跟住我同潔恩就影左貼紙相！

影完之後陪佢行返天耀，

跟住我同死豬咪返元朗囉！

返到元朗，我就要去千色夾糖！！

夾完就行左一陣，跟住走人！！！

今日９點鐘比我細佬睇電視ｄ電視聲嘈醒！！

佢都傻架！咁早就起身睇電視＝　＝”

比我就梗係訓多ｄ啦！！

醒左之後又冇野好做喎！

咁我咪開電腦玩下囉！

玩左ｄ心理測驗咁啦...

以下就係其中３個：

當別人用以下那種形容詞讚美你，會讓你心甘情願貼上這個社會標籤，還會暗自爽到不行呢？

　　　　　　。 天生麗質 。
　　　　　　　　。 氣質不凡 。
　　　　　　。 能力超群 。
　　　　　　　　。 八面玲瓏 。

八面玲瓏 -------
看似你在人際關係中優遊自在，不會招人妒，不像是會被出賣的倒楣鬼，但是你需要注意的就是和你稱兄〈姐〉道弟〈妹〉的死黨，這些讓你掏心掏肺的好朋友，因為熟知你的弱點，也知道你不好意思對好友說NO，在你不知不覺間，把你賣掉了。

http://mail.ylc.edu.tw/~gces.jelly/sky/fav/index.htm

玩完之後就傾左陣電話...

傾完之後就係到呆坐＝　＝””

跟住到３點左右，我就訓覺覺...

訓到去差唔多５點我先起身！！

起左身之後又冇野好做∼！

我細佬又係到打機唔比我用＝．＝

咁我咪又呆坐囉！

到５點半倒...電話響！

傾到６點９左右就收線喇！！

聽日就返學喇！點算呀...

我真係唔想返呀！！

我都唔知點好＝　＝＋

唔通我要好似小學咁咩！？

唉∼過埋今日同聽日就要返學喇！

點算呀＞﹏＜我好驚呀...

今朝我比３個電話嘈醒左...

第１個我唔記得左係邊個喇＝　＝＋佢７點幾打黎既...

第２個就係潔恩，佢大約８點幾打黎，想同我傾返我地今日去女童軍做服務個ｄ野...

但係我仲覺覺緊既關係...我就同佢講：嗌佢補完習先打比我...

第３個就係隻死豬！佢９點半左右打黎，因為我琴晚嗌佢今朝叫我起身架！

係咪覺得好奇怪佢會咁早起身呢！？

咁係因為佢要去補習呀！！

佢打比我之後，我以半睡半醒既狀態下同佢傾左一陣...

跟住佢就去補習，我就唔知係到做咩咁...去到大約１２點...

潔恩打比我，佢話：佢補完習喇！

我同佢講：我未ｏｋ呀！要等我一陣！！

然後我搞一搞ｄ野，我就打比佢，之後就出去喇！！！

佢丫！要我係豐年路輕鐵站到等佢...

仲要我等成幾班輕鐵喎＝　＝””

我地去到天澤之後，去左買ｄ做手工既材料，

然後就去食ＫＦＣ！！

係ＫＦＣ個到，潔恩比左一封信我∼！

佢個封信係想鼓勵我唔好開心既...

我睇到最尾一句...

「我唔想睇到小清成日都是苦瓜樣子，以前的大癲大肺的小清，去左邊度ａ？

我要以前的小清，你幫我找佢番黎好冇？」

我真係好感動...連眼淚都標埋出黎呀！！

不過我唔想比佢知我想喊...所以...

我忍！我忍！我忍忍忍！！！

（之後我就一直強顏歡笑...我唔想比佢擔心呀！）

之後我地要去天澤個個咩咩工場到做服務...

我地要同個ｄ智商有少少問題既人玩遊戲＆做ｄ小手工...

期間有一個活動要我地教個ｄ人玩棋...

而我，潔恩＆兩個智商有少少問題既人一齊玩飛行棋呀！

呢個活動係要訓練我地既耐性既！！

到最尾係我贏左呀！︿︿哈哈！！

呢個服務要去到４點幾到完...

完左之後我陪潔恩去銀座，

因為佢要整返副眼鏡呀！！

之後我去行左一陣，然後去左天耀Ｍ記食雪糕...

跟住大肥打比佢，

佢就要同大肥返教會...

然後我就同佢返佢屋企...

佢換件衫，汁下野...

就同我一齊搭西鐵返元朗ｌｕ！

ｐ．ｓ：潔恩：好多謝你封信呀！！對我黎講係一個好大既鼓勵！

你講ｄ野真係好岩既...

傻婆！你又點會多事呢！？你只不過係擔心我之嘛...

我好同意你個句：「只要你用真心對待她們，她們是會知道的！」

但係佢地要幾耐先知...我就真係唔知喇＝．＝

雖然你嗌我要同佢地傾傾，但係我真係好驚佢地會覺得我煩...會更加憎我呀！

今日比大家睇既野就係：

王子變青蛙既精彩剪輯之甜蜜最終回－有情人終成眷屬

（因為要繼續播放歌曲既關係...所以我依家會比個連結大家係線上觀看！）

http://grm.cdn.hinet.net/xuite/17/ad/11881240/blog_53697/dv/4221776/4221776.wmv

今日我諗左好多好多野...

我好驚！我真係勁唔想返學呀！！

我好驚佢地唔同我玩！

我好驚得返我自己一個！

我只要得返自己一個我就會亂咁諗野....

仲會好易就好唔開心！！

可能係因為小學既事影響...

小學個陣，我都試過發生類似呢ｄ咁事...

小學個陣我有班朋友，佢地有３個會輪流唔同其他個幾個玩...

比人排斥出黎個個，會有勁勁勁差既對待！！

因為佢地會做到好出面！

佢地會係咁同其他人講佢，仲要令到其他人都唔同佢玩...

係要得返佢自己一個，佢地先至會開心！

又會勁講佢壞話，就算係做錯又好做岩又好都會係咁比佢地講！！

仲要細聲講大聲笑！

成日特登大大聲咁講比佢知，又唔知自己講個ｄ野係極之尖酸刻薄喎∼！

佢地究竟知唔知佢地咁樣係極之傷人心架！！！！

而我就係其中一個受害者...

個陣我真係好驚，我好唔開心！！

成日都係到喊...

原本最鐘意返學！！但係自從發生左呢件事之後...

我就唔鐘意返學，而且係驚左返學！

所以，我成日都扮曬唔舒服咁唔返學！！

就係因為咁我以前張成績表一個學期可以有成２０日唔返∼！

呢件事已經成為左我既童年陰影...

我從來都唔會同任何人講！

自從同左阿朱佢地玩之後...

我可以話係完完全全忘記左呢件事...

因為我覺得我同佢地玩得好開心！

而且...我覺得佢地唔會咁對我！我對佢地有信心！！

但係自從佢地唔同我玩之後...

我只要得我自己一個，我就會亂諗野！！

我就會諗返小學件事！然後再諗返阿朱佢地！！

然之後我就會覺得得返我自己一個...

好孤獨...

之後我就好唔開心！跟住...自己就會係到喊....

依家諗返佢地話唔同我玩個陣，

佢地一同我講個陣，我第一個感覺係好唔開心！

個陣我係好想喊！ｄ眼淚已經出緊黎喇...

但係我唔想佢地覺得我扮可憐同搏佢地同情！！

所以我忍住唔喊！

到佢地走左之後，我自己去左廁所到喊...

其實，係佢地同我講佢地唔同我玩之前...

我已經知架喇！但係我扮冇野之嘛！！

而且我仲係咁同自己講：呢ｄ錯覺黎架ｊａ！冇野既！

因為我驚佢地真係會唔同我玩...

有一次，ｌｕｎｃｈ個陣...

蚊蚊就同我講：阿朱要去專題而區區就話要陪佢...

所以同唔到我食，

其實個陣我已經知佢地唔想同我食飯架喇！

就算佢地返到黎同我[解釋]返...

又話蚊蚊唔記得左同我講話佢地係雨天操場等我...

佢地係唔識得講大話架...根本就前話不對後語...

依家愈接近返學，我就愈唔想返...

我好驚會發生同小學一樣既事！！

我唔想佢地親手破壞佢地係我心目中既良好印象呀！

因為我仲當佢地係我既好朋友！！！

雖然佢地已經唔同我玩...

但係佢地係我心目中永遠永遠都係我既好朋友！

我真係好想同返佢地玩！但係...我真係唔知應該點做先岩！！

我唔想所做個ｄ野會令到佢地誤會我呀！

佢地所講話我唔好既野...

我真係有改過架！！

但係，佢地話我冇改過...我都冇辦法！

頂！我又要打多次日記喇！

成日都係咁－　－”

唉∼鬼叫我成日都按錯制咩！

今朝我８點幾先至起身！！

起左身冇幾耐...

隻死豬ｓｅｎｄ左個訊息比我！

嘩∼簡直係個奇蹟呀！

真係值得去慶祝慶祝一番∼！

今日係三月廿三，

亦都係天后寶誕！！

雖然我唔知天后寶誕係嘜東東...？

但係我知道每年既今日元朗都會有巡遊！

而且我屋企都會有親戚黎！

佢地黎可以話係為左要睇個個巡遊...

因為我屋企只要望出窗外面，

就可以清楚睇到個巡遊！！

其實我都唔明，

點解ｄ人會咁鐘意睇呢ｄ野...

要特登落街去睇...

佢地唔驚熱，唔驚曬咩！？

我就對呢ｄ冇野興趣喇＝　＝”

因為我覺得年年都有巡遊架啦！

根本冇咩特別！！

我ｄ親戚今日１０幾個陣黎到...

佢地就有佢地睇巡遊，

我就有我睇我既王子變青蛙！！

完左巡遊之後，我地就去加洲食飯...

我地竟然食到去３點半＝　＝＋

都唔知食咩可以食咁耐...

食完之後，我就去行在一陣街...

之後就返屋企繼續煲我既ＶＣＤ喇！

今日比大家睇既ＭＶ就係：

183Club + 7朵花 - 好愛她好想他＜正常篇版＞

（因為我要上載王子變青蛙精彩剪輯之甜蜜最終回既關係...所以我依家會比個連結大家係線上觀看！）

http://grm.cdn.hinet.net/xuite/c/2/f/8/13836656/blog_123892/dv/4417121/4417121.wmv