今日如常咁返學*我,杰,wing wing,毛毛都想快d放學*因
為我地今晚要去海洋公園既Helloween*咁我地3點35分放
學,一放學我地就搭叮叮返屋企*返到屋企,我就換衫,換完衫就出門口
嚕!我就去M記買野食,買完就行去西鐵站*我去到佢地仲未黎到,好快
就到齊哂啦*我地出發嚕!首先搭西鐵轉地鐵,去到金鐘站就轉巴士,等
巴士既時候,有個核突佬走埋黎嚇我,我就好驚,係咁走去杰既後面,
佢又係咁追住我喎*去到海洋公園既門口,我既心情好開心同好緊張,因
為依次係我第一次去海洋公園既Helloween,所以特別興奮*我
地由6點玩到12點先走,我地玩哂全部既鬼屋,又差唔多玩哂所有機
動遊戲嚕!最恐怖既就係〔屍刑瘋人院〕同〔荒漠工埸〕*我由一入去嗌
到出黎,雖然我好驚,但係玩完之後又好好笑喎!我地一路行一路影
相,到左12點,我地就搭返巴士返金鐘,跟住就再搭969返天水
圍,我由一上車伏係杰到訓,訓到落車先起身*我地連飯都冇食,返到天
水圍就去7仔買野飲,買完我地就各自歸家嚕!
PS:今日真係好開心,希望我地下年都可以再一齊去
過啦*因為實在太好玩同埋你地一齊係好開心架!