| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
|
2006 年 1 月 6 日 星期五

|
|
陸運會* |
|
今日就係學校一年一度既陸運會*咁我就早少少返去佈置場地,我地就係到吹下波,然後就掛係欄杆到,之後就開始啦啦隊既練習,都ok既!好快就到左12點啦!咁就去食飯嚕!我,杰,wing wing,紫茹同毛毛一齊去溫莎到食,食食下見到黃嘉兒同陳燕芳係到,食到1點我地就埋單,之後就開始行返去運動埸,點知1點1囉喎!聽到波波把聲就知道要排隊,咁我地就係咁跑返去,因為驚遲到,好彩冇事!到左2點幾,我,黃映君,岑悅芳同楊佩欣跑4x400,當我跑完之後,係行唔到路,黃映君即刻過黎攬住我,佢問我行唔行到,果陣我真係行唔到,簡直係暈呀!佢就叫我艾係佢個膊頭到,艾左一陣,佢就扶我去一邊到坐低,坐左一排到行唔到,因為要上返看台到,所以我好勉強咁行,不過要扶住d野行,如果唔係就行唔到!好快就放學啦!之後杰送我返屋企,返到去我就換衫就出門口,跟住去左北江到行,杰去睇魔術,咁我咪去睇埋一份囉!之後杰就送我返屋企啦!
點解你唔可以為左我而放棄佢呀?係2個只能活一個之中,如果你真係唔可以放棄佢,就由我堅決d去選擇放棄啦!因為我唔想再咁樣落去,再咁落去你同我都只會好痛苦,一個人痛苦好過兩個人一齊痛苦呀!咁樣我寧願由我一個人去承擔痛苦好過比你去承擔痛苦呀!你由得我,唔好理我!只要痛苦一排就唔會再痛苦,唔理喊又好,麻醉自己又好,點樣都好啦!到時我地會互不相識,好似洗左腦一樣,咩回憶都唔會再係個腦�堶悼X現,咁樣就唔會因為記憶而傷心啦!但我覺得我做既所以野係冇錯架囉!我唔鍾意就唔鍾意!只係你唔肯去聽我既不滿,如果唔係我唔會作出依個決擇架!
|
|
刊登時間︰2006-01-06 09:02 PM [ 編輯日誌 ] [ 分享至FACEBOOK ] 
|



|