今日係陸運會既第２日，亦都係最後一日*咁我７點半係馬路口
到等杰，我等左一陣佢都仲未黎，咁我以為佢已經去左運動
埸，打俾佢又用緊喎！咁我就行去運動埸到睇下啦！點知佢仲
未到，我咪行返轉頭囉！去到我就去看台到睇下有咩幫手，跟
住就排隊，排完隊又上返看台整啦啦隊既野，到左９點，我地
就開始啦啦隊既練習，我地紅日社ｄ男仔實在太懶啦！佢地都
唔肯去幫手，後尾ｍｉｓｓ余就叫左ｄ男仔幫手，佢地幫手叫
口號果ｄ，開頭一ｄ都唔齊，好似二重奏咁，勁難聽呀！咁我
地不斷練習，佢地都跟得上我地啦啦隊，好快評判就黎俾分，
咁我地就做到最好，係第一次俾分，我地紅日係最高分既，點
知晏晝果次俾分就輸左俾明月同藍天，攞到第三返黎，開頭我
地好唔隋佢地架！好質疑佢地點樣俾分，雖然我地紅日社啦啦
隊攞唔到第一，但係我地紅日社攞左全場總冠軍，開頭ｍｉｓ
ｓ伍叫我地留返ｄ聲，又唔講係咩喎！我地都唔知咩事，點知
宣佈全場總冠軍既時候係紅日囉！果陣我地唔係好相信，但係
事實擺在眼前，攞左就係攞左，紅日社係實至名歸既！咁講返
我跑班際４ｘ１００既時候，有我，餅，大珍珠同楠出賽，召
集果陣，我地話不如棄權啦！人地果幾隊都最少２個係田徑
隊，我地１個都冇，一定輸緊啦！最後我地都冇棄權到，咁就
去跑啦！我地最後係跑最尾既，點知４Ｄ班俾大會取消資格，
咁我地就有一個第３名，我地好開心呀！諗住冇獎攞，點知有
喎！跟住我地就去齊跑１２００米，跑完就出去食飯，我冇食
哂ｄ飯，因為下晝要跑社際４ｘ１００所以唔可以食咁飽，咁
我跑第一棒，好快就交左俾其他人，好彩我地都攞到第三，真
係開心！今年既陸運會實在太開心，可能因為攞左全場總冠軍
啦！閉幕禮果陣，我地４個社都叫得好激烈，我地紅日當然係
最大聲啦！之後我就返屋企換衫同杰去左北江行下，跟住就返
屋企啦！係今個陸運會我攞到２個銅牌*
刊登時間︰2006-01-09 09:53 PM [ 
