今日本身好忙既*朝早要去成長嚮導既活動，８點我就打俾阿餅問
佢返唔返，我地經過商討後決定唔返，係屋企訓多幾個鐘，下晝
就返話劇返到５點幾就搭輕鐵返左屋企，杰就係我屋企留下等
我，之後我返左上去一陣就出門口嚕！我地就去Ｍ記食左一個
餐，食完時間岩岩好，咁我地就搭返輕鐵去西鐵站，我地最早去
到，之後君泰，跟住ｗｉｎｇ ｗｉｎｇ，嘉儀，肥邦同毛毛，
咁我地就入閘，去到元朗西鐵站蕭欣到左，等埋ｂａｒ仔我地就
開始行去好年華，去到點知冇位，要等到９點先有位，咁我地就
去其他酒樓睇下有冇位，點知全部都冇位，今日都唔知咩日子，
間間酒樓都擺酒，咁我地就去左千色到行同影相，影完之後就行
返過去好年華到等位，去到好年華就去攞飛，係２５４，咁杰，
毛毛，君泰同餅就係留下玩鋤大Ｄ，咁我，ｗｉｎｇ ｗｉｎ
ｇ，嘉儀，肥邦，蕭欣，ｂａｒ仔就係留上到一路等位一路傾
計，９點２０分到我地終於有位，個個都已經好肚餓，我地坐低
冇耐就開始寫紙叫野食，好快ｄ野食黎哂，我地就開始食野，我
地一路食一路傾，食到１１點幾我地都已經飽飽地，咁我地就開
始玩遊戲，輸左就要飲哂成杯野飲，跟住就埋單，每人６６蚊，
之後我地以為冇車搭返屋企，佢地話要行路返囉！之後都冇，咁
我地行返出去諗住搭小巴，點知見到有２７６ｐ，咁我地就追
車，我地上到車就係到傾計，傾到落車，之後就各自各返屋企，
杰同毛毛就送我返屋企，杰送到我返入屋企就走啦！今日真係好
開心呀！因為有好多人同我慶祝生日，我要同你地講ｓｏｒｒｙ
同多謝，因為要你地同我一齊周圍搵酒樓，到最後又要去返果
間，同埋要多謝杰，我雖然好任性，但係因為你既忍耐同有你不
離不棄既照顧，我地先可以一齊咁耐，係同你一齊既日子入面可
以算係好開心既，如果冇左果個人同果ｄ事既出現，我諗我地會
仲開心，我真係好希望你可以完全做到１００％俾我睇呀！希望
我地下年都可以一齊慶祝生日啦*
刊登時間︰2006-01-22 10:13 PM [ 
