今日又同杰鬧交*咁夜晚我地就約左打波，我，ｓａｋｉ，嬋，君
泰同餅餅７點３０分係天耀７仔等，跟住一齊去食飯，食完打
波，點知當我地行到７仔既時候就見到毛毛係到食蛋糕，咁我地
就問佢去邊，佢就話去搵立文，跟住我地問佢等邊個，佢又話等
人，咁我問佢啦！佢話等杰，咁我地就好出奇啦！咁杰黎到，我
問佢你去邊呀？佢就話過天柏打波，我話咩事呀？佢話你地唔係
打波咩？我話係呀！佢話你地唔係過天柏咩？我話根本就係２批
人黎架！佢問我地去邊我就話去食飯囉！咁佢就冇野講啦！去到
北江，佢就同毛毛話去買野，咁我就打俾佢啦！君泰話毛毛唔想
再去伊小到同果ｄ人打，根本就係藉口，如果唔想同我地打咪講
囉！唔想同我地打咪以後都唔好打囉！洗唔洗講埋依ｄ藉口呀？
最多咪咩都唔預佢囉！我問佢係邊，佢話買野跟住話去天柏打
波，我話你依家同我即刻過黎呀！佢話唔好，要去打波，跟住佢
就ｃｕｔ左我線，咁我打俾佢啦！佢ｃｕｔ我線，咁我再打，佢
關埋手提添！我果陣真係好嬲，咁我地食完野就去天柏果邊睇下
佢有咩講！我估唔到我去到第一個叫我既人係林曉亮囉！跟住我
地去左廁所，佢地就係出面果度到等我地，咁我地出到去，林曉
亮，發仔，君泰，毛毛同杰走埋黎，咁ｗｉｎｇ ｗｉｎｇ，
嬋，ｓａｋｉ同餅餅圍住我，佢地行唔到黎我到，咁林曉亮就話
４個唔關事既行開，就叫餅餅佢地去打波，佢地梗係唔應佢啦！
咁我地就係公園到玩，杰就打俾我，我ｃｕｔ佢線，你都可以ｃ
ｕｔ我線點解我唔可以呀！玩左一排，我地入籃球場，佢竟然唔
過黎搵我囉！ｗｉｎｇ ｗｉｎｇ佢地話俾哂機會佢都唔識去珍
惜，仲可以係到嘻嘻哈哈，都唔知佢知唔知自己做錯架！如果佢
有心想我原諒佢，就算點樣圍住都過到黎啦！根本就冇心，既然
佢可以做到咁，我都冇謂原諒佢啦！跟住我地走，佢都唔追出
黎，證明佢冇誠意啦！咁我地就去左百佳買聽日去全方位學習日
果ｄ野，但係買唔到，買左俾阿妹食囉！開ＭＳＮ毛毛就同我傾
計，話佢其實想搵我架！但係佢地圍住我，我話如果佢有心點會
搵唔到呀！到左１１點幾，我見到佢ｏｎ但係冇同我講野，只係
ＭＳＮ到住＜當你真的很愛一個人的時候，你不停的寬恕，包容
所有令人不愉快的事，因為你總會不自覺想起：他如何讓你開心
的笑，他如何的體貼入微＞，我心諗我應該原諒佢，因為佢真係
令我可以開心咁笑過，但係佢電話都冇打過俾我呀！
ｐｓ：你係第一次咁樣對我，我唔知你係為左ｄ咩原因先咁做，
但係我想講唔係每次講一句ｓｏｒｒｙ就會得到原諒囉！同埋我
講過你一做錯我就會鬧你，你唔可以怪我，係你迫到我要咁對你
架！如果唔係我唔會咁！可能你已經變左，已經冇以前咁愛我
啦！
刊登時間︰2006-04-01 03:05 PM [ 
