今日我同杰,wing wing,嬋,君泰,saki,餅餅
去左沙田行街,咁我地約左10點45分係耀盛樓下個巴士站
等,我同杰最快去到,點知嬋遲到,等左一陣就有車嚕!出沙田
要成一個鐘,咁我就暈車浪,想嘔咁樣,我地就約係優之良品到
等,之後就去左味千拉麵到食野,毛毛就打黎話佢帶完佢阿妹就
出黎,咁我地就等佢啦!食完去左7樓既公園到影相,係咁影影
影,一個鐘之後佢就黎左啦!咁我地就去無印到買筆同買野食,
買完就去史露比公園到玩,我一地去到就玩船仔,只要2張飛滿
100蚊就可以玩,我地一路玩一路影相,玩完就周圍影相,我
地走之前又去玩多次船仔,之段我地去滿記食糖水,我同杰一齊
食楊枝甘露,一路睇我地係史露比公園影既短片,食完我地就去
左saki屋企,我地坐左陣先搭車返天水圍,我都係暈車浪
架!到左天水圍,杰唔放心我所以送我返屋企先,我返到屋企就
食飯嚕!食完我就睇天幕下的戀人大結局,睇完我就帶埋恩恩去
伊小打波,到左10點幾wing wing陪我帶恩恩返屋
企,點知見返尋日撩我果個人,好快我地就返去伊小到,點知杰
同毛毛同緊果d小飛鬥緊波,杰就話鬥埋依場我地就走,因為佢
驚果個人又黎撩我,咁我地就去第二度睇下有冇場,去到我屋企
留下有場喎!我地就打啦!點知打左一陣就有管理員叫我地走,
話有人投訴,咁我地就唔打啦!之後杰就送我返屋企,佢地就繼
續啦!杰同佢地鬥多場波就返屋企嚕!