咁今日好似以往咁返Ｄｒａｍａ啦*我，杰，毛毛，ｊｏｙｃｅ同
ｗｉｎｇ ｗｉｎｇ一早就約埋去食早餐，之後等埋阿餅，紫茹
同嬋一齊去買ｂｂｑ既野，買齊哂ｄ野就飛的返學校，返到學校
就就放低哂ｄ野一齊好打波，打到興仔黎，我地就去禮堂到檢
討，咁興仔就叫我地每人都要講比賽完左有ｄ咩感受，咁我聽佢
地講既時候，我已經認唔住喊左出黎，因為我好重視佢地講既
野，跟住興仔叫我講感受，我ｄ眼淚就好似瀑布咁不斷流出黎，
興仔就叫我休息一下，一陣再問返我，點知佢第二次叫我，我又
係到喊，我好少會係人地面前喊，我第一次係咁多人面前喊，我
真係唔知點解我會咁樣，因為我真係好唔捨得，最後我係一路喊
一路講我既感受，我第一句就講好唔捨得，每次我睇返我地Ｄｒ
ａｍａ既片段，我都會有一個唔捨得既感覺，上次ｊｏｙｃｅ係
我地比賽之前俾左一段片我地睇，我同你地一齊睇我一定會喊，
同你地一齊真係好開心，我好多謝興仔，因為佢教左我地好多
野，令到我地比賽先有咁成功，我諗如果冇左興仔就唔會有今日
既Ｄｒａｍａ同埋我要多謝同我一齊去努力既咁多位，因為你地
我先有一個咁好既回憶，依個回憶我一定會以後都記住，興仔話
我地果邊係驟雨區，因為我，ｎａｎａ，嬋，嘉怡，ｓａｋｉ佢
地都同我一樣，興仔話我地喊係因為我地放左感情落去所以喊得
咁勁，但係佢話唔喊果ｄ唔係冇放到感情落去而係我地太眼淺，
咁差唔多４點校長黎左同我地講左ｄ鼓勵既說話，跟住就走左
嚕！我地就叫興仔去廁所，我地就係張感謝紙上面簽名，然後送
俾佢，佢話唔睇住，因為佢睇左驚佢會喊，所以佢話等佢自己一
個人既時候先睇！我地就準備ｂｂｑ果ｄ野，咁佢地落去先，
我，ｊｏｙｃｅ，嬋仲留係到，咁興仔差唔多走既時候，我地就
叫佢同我地影相，影完佢就走左嚕！咁ｍｉｓｓ ｙｕ叫我地搵
ｄ人上去執返好個後台，我，ｊｏｙｃｅ同沈上去執啦！咁我一
路執一路諗返我地比賽當日既情景，好似岩岩開始左冇耐，依家
就完左，見到張道具枱就諗起邊場要ｄ咩野？見到張服裝枱就諗
幫阿嬋換衫同埋見到台上面既膠紙就諗起邊場要轉咩景等記憶，
當我行到禮堂既門口望返轉頭就好似見到我地比賽果日係台上面
既畫面，每次望到都好掛住果個感覺，我地執完就落返去，落到
去佢地有ｄ係到玩跳大繩，有ｄ準備燒野食果ｄ野，跟住我地就
開始燒啦！我地一路燒一路講返比賽果日ｄ野，咁我地燒到７點
幾就去打下籃球，之後就走，我地就去第二度打，去左天柏到，
點知冇場，我見到有公園，咁就去玩左陣，走果陣ｓａｋｉ就話
我ｄ眼淚好似尼亞加拉大瀑布咁，咁杰就當然捉住佢唔放啦！咁
就去我屋企落下都冇，跟住去天盛到打，點知１０點就關門，咁
我地又轉場，去左伊小到打，打到１１點幾就一齊去買宵夜食，
買完就去露天到食，我地一路食一路傾計，計到１２點到，杰就
送我返屋企，之後佢就返屋企嚕！
刊登時間︰2006-03-05 10:01 PM [ 
