今日遲左起身= = 2點先起身> <"

即刻出屯市入數...入晒3間銀行= =

係中銀同恆生度等到我就發脾氣

特別係恆生....慢到乜咁=.=

入晒數之後都4點半...超驚遲到...即刻搭車返屋企換袋再落街

行去7仔到等人...點知同紫熙同一時間到=]

我地4點53分就到左...早到呢XDD

(仲未講去做乜添XD 今日約左5點幾去小學聚會^ ^)

紫熙問我「你媽咪宜家冇管得咁緊啦??」我話「鬆左超多..我試詔成既冇返佢都冇鬧我~」

之後冇幾耐吳曉桐到左(男仔黎架!!!) 再等多陣肥溫都到啦

跟住4個人等昌哥一個= =  5點10分...終於到啦-0-

之後就5條友搭車去河田...去到尿胃同方至朗係個到等緊我地=]

三年啦...大家都冇點變過=] 不過有一位有女友lu...聽紫熙逋有另一位都好似有女友lu

之後就一齊搭巴士去龍鼓灘...尾班車係23:40!!!!!!!! (點解要講??繼續睇就知~)

去到就開始BBQ啦=] 4個男人係度打麻雀= = 佢地有問我問3個女仔打唔打....

不過紫熙同肥溫渡識打...我只係半桶水...所以唔打~

之後我地女仔負責燒野食....要燒埋班男人個份= =

男人就係度玩玩玩.....打左一圈度佢地走埋黎燒野食...個陣我地班女仔就...沉默一片

佢地買左副啤牌俾我地3個女仔玩...但係...紫熙同肥溫都唔係太想玩= =

兩個女仔好玩唔玩...玩炭- -  算...我繼續燒野食俾d男仔= = (我係咪太好人?!)

有個女人係咪同我地講唔好燒野食俾d男仔...好似方至朗識我= =

不過算啦~橫掂都冇野做~~燒俾d男人食唔會死既~

佢地有講唔該就得啦=] 我地燒到12點= = 之後有問題了....冇車搭點走=.=

我地走去個車站...個巴士司機冇人性= = 見到我地行緊過去仲要熄燈開車走......

明明兩隻眼見到車入面人兩個人坐係到...仲望住我地7個人架囉= =

之後大家心入面只係諗到...."冇車黎架啦...走路出番去啦= ="

之後7 個人就一直行....行左勁耐....D公路隔離咪有d路可以行既...我地7個人就係行個d路= =

d路有大樹枝...有好多草(好"桔"個d草)...仲有蝸牛= =

根本冇人清理過- - 唔會點有人行都唔好咁過份-0-

之後不停咁行.....行左成粒鐘都未行到出去= =

又夜又冇車..仲要好熱...有兩位男人除上衣...我只係心諗....有好強壯既「胸膛」XDD

之後紫熙突然爆句「點解女仔唔除得衫」全場勁笑......尿胃仲話「你除呀..我一定睇」

不停有的士經過...但係次次都係得一架經過...又唔坐得7個人...只可以眼白白望住佢走

每架車纖過都望住我地7個人.....我地搞gag話d司機可能會諗::::

「唔係咁猛呀...7個細路鬼......」之後方至朗係咁叫我望後面...

佢話呢d時候望後面會見到個d野......我係信唔信佢講我都唔會望架!!!

12點幾1點叫我望後面...黑麻麻咁恐怖.....我先唔望~

我地仲有行個d隔開公路同公路之間個d野(行到一個人的)

雖然有d部分好難行...但係幾好玩XDD 細細個搭車都已經好想行下XDD

都行過大公路(因為夜又冇乜車...所以唔會車到我地加上我地會睇下有冇車先行的^^)

之後終於到左蝴蝶灣....去左蝴蝶灣燒烤場個公廁前洗面...熱死人- -

之後繼續行...方至朗話去OK....都行左咁耐...行多dd路都唔緊要啦= =

行行下落大雨- -成班人係度跑...衝去OK 跑個陣經過d大排檔個陣d人望左我d跑

一定諗緊...呢班細路玩到咁夜(?!) 去到OK...個個落湯雞咁搵紙巾...

係間OK度等細d雨...之後見雨停左即刻出去搵的士搭~

田景/良景既(5個人)一架...尿胃同方至朗讓我地先...佢地搭第二架

我地上左車冇幾耐又落大雨...希望佢地兩個冇事啦/_\

2點幾先返到屋企...牙媽都冇鬧我~

只係話「落雨溼晒啦~」之後我話「你打完俾我之後冇幾耐就落雨lu」

佢話「係咩??...快d沖涼啦...記住唔好沖咁凍呀..」

以上對話完全冇嬲既成份~~~~之後就沖涼詔左陣就訓教lu^ ^

諗返雖然好黑仔...不過我就有多左個好美好既回憶=]

亦都試左好多我冇試過既野...走公路...行上隔開公路個舊野到...行行下落大雨淋到溼晒XDD

經歷左咁多黑仔既事...都值得既~~今次既小學聚會係前所未有咁high XDD

有美好既回憶=]