| 2008 年 3 月 21 日 星期五 |
 | |
| 2008-03-21 |
1. 唔准同任何15歲以上 35歲以下無血緣關係既女性單獨外出或者傾超過5分鐘電話。
2. 我'meet'你既時候你唔准縮。
3. 我唔會check你既來電顯示，但係你最好唔好俾我聽到你同不明來歷既女人講電 話。
4. 你個電話裡面只可以有兩個女人既相，你媽媽同我。
5. 我鍾意收情信，但係好憎見到錯別字。
6. 每日起碼要打一次電話俾我，因為我會掛心你。
7. 你要俾我知你去左邊，我唔係要check你行蹤，只係如果新聞話有三名行山人士失蹤，我要知道係唔係你。
8. 你心裡面諗d咩，一定要同我講，因為我好蠢，你唔同我直接講我唔會知道。
9. 我希望你會記得一切既大時大節生日同紀念日，我唔會提，亦會扮大方，但唔 代表我想你失憶。
10. 男子以才為貌，但係都要乾乾淨淨。
11. 唔好企圖或意圖用「中五妹妹仔o者……」黎做藉口安慰我，我唔會睇小妹妹仔既威力，因為我都曾經年青過。
12. 唔准對我講大話。
13. 唔准一腳踏兩船 (或以上 )。
14. 出街一定要拖實我，因為我會蕩失路。
15. 我唔揀飲擇食，所以食咩你話事，不過，揀甜品既主導權歸我。
16. 如果我遲到，都只係因為我想著靚 d見你，所以你唔好鬧我。
17. 你最好唔好有一堆女性朋友同契妹之類既不明物體o係身邊，否則我會大你三十 萬用行動證明俾你睇我都有一籮男性朋友同契哥加uncle。
18. 我係一個會講粗口既淑女，你最好忍耐一下。
19. 鑽石同珍珠，我永遠都唔會嫌多。
20. 我知道你冇可能每秒鐘都掛住我，但係如果你全日都冇諗起我，我會好驚。
21. 如果你郁手打我，我一定會走。
22. 記得要多d同我既父母social，因為我同佢地關係唔好，靠你去修補。
23. Shopping 時可以分道揚鑣，但係你唔好又要企我隔離又要黑面。
24. 我好樂意同你行你鍾意既舖頭，你唔需要怕我悶，我會自得其樂。
25. 唔好批評我既 好 朋友，因為我同佢地共過患難，唔係酒肉朋友。
26. 我唔介意你望靚女，介意既係有筍野睇你都唔同我講。
27. 如果你見到我望住本《飲食男女》兩眼發光，你可以留意下係邊間餐廳，唔太貴既就帶我去試下。
28. 我鍾意食魚蛋河，但係如果大時大節紀念日生日時都係食魚蛋河，我會發火。
29. 我喊既時候，你一定要tum我，因為我只會o係好傷心好傷心既時候先喊。
30. 你打機既時候，我會自己搵野做，你唔需要擔心，最好你教我打埋一份。
31. 你最好有一首只係屬於我既電話鈴聲。
32. 如果你冇開口講，我都為你去改變，代表我真心鍾意你，請你珍惜我。
33. 我好樂意幫你煮飯洗衫執屋做massage，但係請你唔好當「奉旨」。
34. 我會希望你將我介紹俾你既朋友識。
35. 放假時我會間唔中留o係屋企休息，你即管出去玩，唔好以為我係貼身膏藥你唔同我出街我就唔出。
36. 因為我有一d唔係太開心既過去，對人好冇安全感。所以請你用用行動話俾我知你對我係認真既，你唔係玩玩下。
37. 你先要努力工作，然後盡量抽時間陪我。
38. 你唔需要係有錢仔，但係要有上進心，想出人頭地。
39. 你一定要有自己既理想。
40. 我有寫 blog既習慣，如果你發現o個篇係講你既，你最好俾d反應我。
41. 我好刁蠻任性。
42. 你要做我既人肉地圖。
43. 我M之前一個星期會情緒暴躁，你要小心d 。
44. 你煮飯俾我食，就算只係一碗餐蛋麵，我都會開心過食 Rougie鵝肝。
45. 我好有興趣知你既戀愛史，最好由頭到尾同我講一次。
46. 因為愛你，我會珍惜自己，要自己身體健康，叫自己開開心心，你都係。
47. 我最憎人唔信我。
48. 如果你愛我，你唔會捨得要我傷心。
49. 一個男人對女人最大既尊重係向佢求婚，其次係帶佢返去同父母食飯。
50. 男朋友既功用係對女朋友好，女朋友既功用係對男朋友好。
51. 好多事唔係我懶底扮唔識搵你做，而係我真係唔識。
52. 我希望你間唔中都會俾比d小驚喜我，係「小驚喜」，唔係「大驚喜」。
53. 你講過，而我又應承過既，我一定會做。例如：你唔o係我身邊我就要凌晨1點前返到屋企。
54. 唔好熄電話，萬一半夜我要去急症室我會想你陪我。
55. 如果你見我個樣冇乜表情，唔係我唔緊張你，而係愛一個人就會變得笨拙，我唔知用咩表情面對你好。
56. 如果有人追你，記得同我講，我會用掃把掃佢。
57. 好遺憾我冇機會細細個就識得你，所以宜家請你俾多d時間我，俾機會我去了解你。
58. 我既工作或者比唔上你既重要，但我都希望你會尊重我既工作。
59. 你唔開心既時候我會靜靜行開俾時間空間你冷靜，但過後我會想你打返個電話俾我，因為我關心你。
60. 著得sexy 係有兩個原因：1. 我覺得靚 2. 等你緊張我。
61. 我知你對我用咩化妝品護膚品冇興趣，不過問下咩顏色好都得掛。
62. 你要記得間中同我講「 I love you」，否則我會以為你唔再愛我。
63. 我地要開一次會，睇下你對呢d 戒條有冇異議。
64. 條文內如果有唔清楚既地方，以我既說話為依歸。
65. 其實，我明白這些戒條有點吹毛求疪有點不設實際有點妙想天開。我只想你知道，在寫這些戒條的時間內，每一秒鐘，也在牽掛你
|
| 刊登時間︰2008-03-21 07:22 PM [ 訪客留言(1) ] [ 編輯日誌 ] [ 分享至FACEBOOK ] |
| 2008 年 3 月 20 日 星期四 |
| |
happy brithday!!!  |
| 教會ga朋友生日!!!
7:00pm出TH wif 老公!!*
上到去!!幫下手*等埋其他人
就可以開始喇!!!
玩到..........10:30pm!!!
好攰ar=0="老公陪我等8p!!!
返家lu*
[[[病成咁,,,
我仲可唔可以考會考呢??!!
仲未好番............
大家一定要keep好自己ga身体!!!!!!!!
唔好病ar> <"]]]
|
| 刊登時間︰2008-03-21 12:14 PM [ 訪客留言(0) ] [ 編輯日誌 ] [ 分享至FACEBOOK ] |
| 2008 年 3 月 18 日 星期二 |
| |
2008-03-18  |
| 無番學2日喇~
仲係好唔舒服lor!!!!/..........\
heehee!!!thank you 老公泥陪我!!
仲煮野俾我食~
happy*
好左dd喇~~
大家都要小心身体!!!!! |
| 刊登時間︰2008-03-19 10:44 AM [ 訪客留言(0) ] [ 編輯日誌 ] [ 分享至FACEBOOK ] |
« | 16 | 17 | 18 | 19 | 20 | 21 | 22 | 23 | 24 | 25 | ... | 56 | »
|
| «‹ June 2025 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
