今日訓到10點,好舒服,差d仲唔想起身tim,跟住呀媽買完餸返黎~我同小妹係到食包~諗住去圖書館還書既,點知原來聽日先到期,咁就懶得就懶啦~聽日先還lo~跟住慘lo~悶到爆咁,呆又唔想發,功課又唔想做,野又唔想食,玩又唔想玩,唉....咁就悶左幾個鐘,突然救星到,王秀玲叫我拎野落去俾佢wor,咁我就免為其難啦~哈哈,諗住靜靜雞落去,唔帶黃德儀家啦~點知佢又突然唔著衫咁走出黎wor,唉...衫都唔著,真係丟臉 咁又要帶佢落埋去啦,見到王秀玲之後,佢就捉住我呀妹唔放啦,仲同佢去百佳買野食tim...揀左半個鐘都有啦,都仲未揀,d女人真係=.="人地仲要返屋企睇日式面包王家ma~幾經辛苦終於搞惦,諗住可以搵番屋企啦,點知...黃德儀話要去玩wor...我就交左佢俾王秀玲啦~佢地去完影印再搵我,我就返去睇日式面包王喇....差唔多睇完佢就打電話黎啦,我就落去湊返黃德儀啦,佢手上面仲拎住架車車tim...睇黎黃德儀又呃到玩具啦,唔止野食仲有玩具tim...d細路真係好....唉,終於返到屋企啦,又發呆...好悶,唯有做中史啦....今晚一路做功課一路睇電視,我真係好無都無咁認真睇電視啦~原來都幾好睇,仲以為而家d劇集唔好睇tim=.=唔知我係係到做功課定睇電視呢~哈哈~不過睇下睇下就做完中史論述題啦~我真係叻呀 聽日就繼續做西史....不過測驗仲未溫過書wor...死更喇~~~好野~~~~岩岩又答左熱狗個條問題,唔知佢覺得滿唔滿意~唔滿意我可以繼續答家~我仲有好~多方法~哈哈!!!