今日7點起身...無水喎..頂,琴日爆水喉,成棟都無水,好彩仲有少少水流出黎洗面姐...灰~頭都無得洗=.=之後就執野搵野啦~落到寺,好似水浸咁...god~一出到去..落雨wor~黑....同熱狗行入去等啦,等左好見唔見佢地就行先喇,返到學校勁熱,又多人wor上到去涼冷氣~R入黎,今日佢又好似好燥咁喎,女人....好彩我唔係姐~l'm a girl~~跟住就派邊d人要補考喇...死啦>.<...好彩無我姐~鬆番口氣~yayaya!!!之後就去新翼聽紅十字會宣誓,見到蕭冠鴻勁搞笑...過左呢堂之後就上去上econ,對卷..悶到搞pe堂,勁多人無帶衫,又悶.....唉...悶到唔想講啦!~西史,派卷,四十幾分=.=""都唔知好定唔好~唔好lunch,今日出去食,因為無水...無水真係好唔方便>.<之後返學校喇~做過咩??有做過野咩??好似有又好似無,音樂堂...睇片~哈哈~好好笑,呢堂,係最後最後一堂啦,中五無音樂堂架啦...嘩...咁咪好慘T.T中文堂講卷,講左兩個分,一個好一個差...灰啦....放學返屋企第一時間睇下有無水啦~好彩有姐~同呀妹沖完沖就我自己喇,之後洗衫呀個D啦~之後仲要煮飯tim,因為朝早無水呀媽無煮到餸要我煮~哈哈~又到我大顯身手既時間啦~=.=~好味~~~之後上網睇小說,傾sms~就係咁喇~

琴晚一點半先訓,今朝八點幾九點就起身喇,起身個時隻腳勁痛....可能太耐無swim喇=.="玩左陣電腦就出去飲茶....飲完行左陣就出街喇,今日約左yan同統去mk....行行行下,食食食,買左d野咁囉,行到勁攰,又痛wor....搞到5點幾就走喇,搭車攰到乜咁...返到上水就番屋企食飯啦,食左半碗到啦....又出去還碟喇,之後又返黎,聽到話出面爆水渠wor~~~=.=""會唔會水浸架~拿拿臨入屋沖涼睇電視........聽日就要返學啦,會唔會講卷架,死啦...補考咪好慘>.<...我唔制

p.s.今日又是一個大熱天,熱到人到顛

今朝去swim,5點就起身喇,妖...佢又話去喎,點知又唔肯起身,又無搞錯!!!唔q理佢,見到姑姐佢地就行啦,一路游一路玩=.=''仲見到彩虹tim,好耐無見過啦,好靚,仲諗住影低佢tim,不過好快無左lu,7點幾就走人喇,見咁早,就去左姑姐到,食左d野我又走喇,返到屋企又換過件衫再出去=.=""又食野又行左陣,勁攰,返到屋企好眼訓,咁就訓左啦,訓到兩點起身,玩電腦,點知本應四個既約會變左三個,賢仔同熱狗佢地仲唔去tim,唔...熱狗佢好唔開心喎...諗住哄番佢但係又唔識哄喎,唉...真係失敗,之後又出去買野食,返到食完野又出去,好煩呀!!!!去姑姐到,今日要返呀嫲到食飯,妖,唔想呀,返去都無用架啦,返左等於無返~有無係到根據都唔重要既,仲要捱到10點先走得個下死....返到黎,呀媽又鎖住度門,連門口都無得入...係到企個成個幾字...唉...之後就沖涼啦,好攰好攰..........

琴晚一點先訓,所以今日9點先起身,落雨玩左陣電腦,呀媽打電話黎叫我出去,之後就同呀妹搞惦晒d野就出門口喇,去預約睇牙,係彩園等的,走左幾架,終於有車喇,一上到臭到死,幾經辛苦終於去到喇,預8月12日睇牙,仲同熱狗賭睇下我有無蛀牙,如果有以後就唔食得糖,無就任我話事...嘰嘰,我一定唔會有蛀牙架!!!跟住就去左粉嶺名都食野,食完就返歸喇,返到屋企,洗衫,收衫,掠衫,玩電腦....

聽晚又去呀嫲到食飯....灰....

今日8點幾先起身,好彩唔係照平時咁返學姐,因為今日考中文,約左熱狗9點等,返到去,第一組都未考,等到10點幾11點先到我考,原本9點半應該到我考,點知遲左一個鐘=.=""考試個題目話難唔難話易唔易~不過都係唔知講咩好終於講完,跟住就等熱狗佢地考喇,等途中,係到狂吹水,哈哈~~~~等埋yan考完都點幾lu,之後就叫埋賢仔出黎食lunch,去大家樂=.="食完我地就各自各走lu~yan佢地返學校考試,我地就返屋企喇,返到去又玩電腦,之後訓左陣....之後又呆坐,出去食飯,傾sms...唔知係唔係訓覺黎,訓到無乜心情...所以呀媽好就我....而我呀爸又係到狂鬧人,我理都無理到佢,根本唔想同佢講野...

m.........好悶呀,但係又唔想訓覺住,聽日唔洗返學,又無野做...悶悶悶!!!!!