今日朝早問黃MING得唔得閒,佢話得,跟住我地就各自各約人,約左佢+鄺永+佘仔+兩隻雞,2:30先

出去,出左去就打左陣籃球,之後就去荷莉活玩捉E因,跟住咁岩又有四驅車的比賽,我地就係咁睇,

鄺永話:我開始對哩D車有興趣,我話:想我送比你呀?跟住佢好似無講到野,跟住我地就開始玩啦,

係鄺永做捉果個先,以我既速度同埋咁既IQ就緊係好快比鄺永捉到啦,跟住又猜,黃MING做,哈哈,

好玩啦,我地入左去大XX,個到咁大佢緊係搵唔到我地啦,跟住我地就出左去同佢玩啦,鄺勁好笑,

佢話佢坐係個傢私鋪個沙發到見住黃MING係佢前面行過去,之後就去左黃MING屋企樓下,去左

個水池到,跟住黃MING丟左鄺永D野落水池到,鄺永叫佢"汁"返,之後我望住鄺永,我個時諗緊:鄺永

係咪想推黃MING去個水池到?黃MING"汁"緊個時,我用我跑既衝力推佢落去,可惜佢用隻手撐住,

所以推唔到佢落去,不過就搞到佢一邊手濕哂,以後我地就係水池到玩四角傳球,鄺永次次到對D

水丟,搞到我全身都濕濕地,跟住兩隻雞都比人丟,之後佢一個波"星"埋去鄺永個邊,又搞到鄺永濕

哂,不過最慘係佘仔個波,跟住勁好玩...之後佢地就行返去屋企啦,而我就去左我呀媽間鋪到,因為

我夜晚要去我呀婆(深水埗)到食飯,所以就等埋佢一齊去啦,由6:00等到8:00先去,去到之後就食

飯啦,就係食完飯個時,我呀媽部手機無啦啦響,個號碼係我"E"媽公司既電話,但係明明個時都收

哂工啦,所以我"E"媽就叫我地陪佢""""""行"""""""去佢公司,行到去之後,睇一睇D野,又唔見係有"拆"

呀...所以佢就返左屋企,我同呀媽就飛的返屋企,不過我呀媽唔放心佢家姐(我E媽),所以就打比佢,

叫佢小心D,佢話:得啦,我又唔係3歲(姐係佢話佢自己有腦)又唔係18歲(無人會"候"佢),CUT左線

之後,我呀媽話:一世人得一個家姐,緊係擔心佢啦...返到屋企之後,我一出升降機...就聞到勁大陣

焦味,點知見到我屋企出緊煙,一入去,見到我呀爸入到醉醉地咁,一入去廚房,原來係佢煮湯唔記

得熄火,真係服左佢囉,跟住連管理員都上黎問...唉,今日真係發生好多野,又靈異電話,唔通好似

科幻小說咁講:時空交錯既電話?屋企又差D無左,真係驚險...

P.S.又留左部NDS係鄺永到...