琴日早左瞓,所以今日早左醒,我所謂既早係10點幾,食早餐,咬住個包上網,

老豆走左之後就去睇dvd,睇睇下kk打黎問我出得未?我就叫佢去我屋企先

佢到左之後,比部電腦佢玩,我就係到睇埋個集先,無幾耐,佘仔又落黎拆我

屋,我叫kk唔好比佢入黎,我換衫先,跟住先放佢入黎,可能鄺永係下面等得

唔耐煩,上埋黎我屋企,之後"汁"埋d野就落左去搭72去斧山lu,鄺永今日好

殺食,因為佢今日著背心..黃ming係咁打黎摧我地,又話:好多人呀,快d啦,

我本來信佢,但係之後諗下,e句咁熟口面既?我話:上年你又係咁講,今年又

係咁講,你悶唔悶d呢?又係到笑,佢打黎一次,我就塞個電話比kk聽..去到

斧山入口,黃ming打比鄺永,鄺永話:點解咁多人有電話,你係要打我電話呢

佢話:肥婆部手機壞既!我話:係咩?鄺永話:喔..咁你打返比佢啦,你而家係邊

佢話:係到游緊水囉..鄺永話:有人游水帶電話既咩?部電話防水嫁?幾錢?

黃MING話:108蚊囉..鄺永話:咁抵?入去我幫你買左佢..到左泳池之後,我地

就比身份證佢地睇,點知條友話我真人同身分證上個樣唔似,我話:係我黎

嫁喎!佢話:以前咁瘦,而家咁肥既?心諗:兩年前啦都,食肥左唔比呀?我就讀

哂D身分證號碼比佢聽,佢都係唔信,我理得佢,我就入左去..諗諗下:頭先

個條友咪係上次話鄺永佘仔好似樣果個黎既?條友100%盲既..入到去,KK

係咁比佢地推落水,我都無辦法幫佢啦唉,最黑人憎果個就係張棋X,食啦

你去,唔知佢地玩KK就唔嬲,係佢玩我就想打佢..鄺永同KK兩個係咁打黎

打去,打情罵俏,唔係唔係,係聯絡下感情姐,唔好誤會..我地係到玩數字球,

KK完全唔識玩,係咁比佢地屈死,我同KK係咁跑,我差D SIN低,佘仔係咁追

我地兩個,我地就跑入去女廁,奈我地唔何,總之勁好笑..跟住玩到差唔多就

走左出去食野,我地8個人坐埋一齊食野,幾開心,鄺永食食下話見到隻蚊係

到食煙,原來係隻蚊飛左去禁煙標誌個到,叫青蛙食左怇=青蛙食蚊^^各位

哥哥姐姐弟弟妹妹唔好食煙啦(鄺永除外)