話說今日約左鄺永出去打機既,但係佢又話要出街,咁就算啦.佘仔去左我屋企,諗住無無聊聊又

過一日嫁啦,點知我無啦啦諗起不如叫細路出去,咁岩佢又要出去買書包,我地就陪佢出mk啦,我

同佘仔上左慈中玩左陣先,買埋個眼罩落去搵佢,佢話今日本來去跑步,話siu k要減肥喎,點知就

話唔去,佢減唔減到都係個問題,試問一個食m記加大再加兩隻雞翼既人..去到果到就行下咁啦,

佢買左個螢光黃既豬nose,之後就出左去漫無目的咁行左陣,就去7仔買個3盒9.9既野飲,跟住就

去做金魚婆/公,但係我地睇喵喵,勁得意..跟住就搭巴士返我呀媽到,因為佢要出去攞貨,我地就

一定去個到玩啦,呀媽走左之後,我地就d野出黎玩..um,玩左勁多野,猜輸左果個要著住個低能外

套企出街擺pose,佘仔輸左,但係又要我著..我著左出去都無人望既,之後我同佘仔就推跌細路,一

個人抬手同抬腳,跟住之後fing佢出門口,笑死我地,哈哈哈.跟住我地諗緊點sale鞋,我就教細路攞

住兩對鞋對住個細細路拍,佘仔話:成個金魚婆咁!就係好好笑,細路出去同個細細路講:好令嫁對

鞋,買啦買啦!個細細路比佢嚇走左,之後我地就挑戰人類極限,請唔好懷疑e個事件係唔係真既,開

頭我就咩細路,佘仔上埋黎,我竟然咩到兩個人呀,yes!之後最開心既事黎啦,佘仔咩起左我喎,佢仲

話:其實你都唔係好重姐,我話:無想像中咁重呀?佘仔你真係好偉大,連我都咩到,比隔離果姐姐見

到,佢係到笑..我地出去數返d爆丸,本來25粒,得返21粒,跟住佢地教我地排返疏佢,點知係隔離果

叔叔攞左,火都黎埋,呀媽返左黎之後,佘仔就即刻跑返屋企,佢由5點9拖到去7點10先返屋企,超勁

囉.之後我同細路就買左d野食,慢慢行返上去,話說細路又認左佘仔做呀哥,哈哈..之後陪埋細路

等車就返歸啦~好耐都無咁顛啦,今日真係好好笑,笑到肚痛,搞到勁累喎,以前點解咁勁,日日都可

以咁顛,得既話,我都係想過以前d生活..頭先無啦啦同佘仔講講下係到講d野,"回憶就是回不去,

所以才想要記住""經常回望過去,表示你放不下"

p.s.今日搭車個時勁好笑,個呀伯無頭髮既,得個幾條,同我係到梳頭喎,笑到我地乜咁..