話說琴日夜晚瞓瞓下教,佘仔打黎話同我傾計,都好唔想瞓住..之後鄺永

打黎,我叫佢打比佘仔再打比我,點知佢打左屋企,搞到我拿拿林跳落床去熄

左部電話叫佢打手機..之後瞓瞓下講野講到勁好笑,笑笑下就唔想瞓,起左

身聽"鋼之鍊金術師",睇左一陣之後就問佘仔聽日陪唔陪我食早餐,佢話:都

好喎..我問佢點同佢呀"ma"講,佢話:咪話去跑步囉..我又要"情不自禁"咁講

一句:佘仔,你是最好的!今日7:00就比佘打電話打醒左,跟住7:30就同佢落

去打籃球,佢行行下樓梯個時無啦啦跌左落去,勁好笑之後去打波,打打

下又講返以前d野(可能真係下雨天總掛念從前),之後就去買野食..跟住就

去鄺永樓下聽陣歌就去食m記又係坐返果個位,佘仔又講返起上次鄺永交

叉手著個件外套既事,唉!好懷念跟住就返屋企睇NBA,睇睇下就去BOOK

場,之後就同佢地打bing beng波,過程好好笑..之後就買金魚返我屋企玩,

鄺永玩玩下pair牌就丟d魚落地,搞到出哂血,唉..d魚真係慘跟住佢地就

走左啦..

                     死啦.死啦!pig流感喎,真係愈諗愈唔安樂,好驚身邊既人 會lai野,

特別係果個果個同果個(2男1女),如果佢地lai野既話,我真係攬住佢地去死算

啦,大吉利事..彩過你!小心d啦

比鄺永整死左我個條魚,鑑生丟死佢><

鄺永係到玩金魚..正一金魚佬

死前照.咁就無左6蚊啦..e兩條仲慘,比鄺永丟上衣櫃再彈返落黎

P.S.今日sd左sms比kk:我而家好危險,可能會死,要記住我識到你開心,

點知佢唔信><我死左都無人理嫁啦..不過我又係作得假左d既

話說今日既天氣熱到無得再熱,又潮濕又熱,好似比人踢左入焗爐咁,唔好同

我講無人唔知我大汗,就算唔知都比下面話知啦 ,一話大汗就聯想起小學

個時劉主任問我做乜流汗個件事,諗起都覺好笑,可惜而家連返可立既機會

都無lunch個時lily去攞鎖匙,得我陪佢,其他人去左先,佢無啦啦爆左句:都

係你好d..

       返到屋企之後佘仔就call黎,跟住就出左去圖書館,跟住就去玩籃球機,

好似玩到3百幾分,玩玩下我問佘仔返唔返可立,佢話佢淆淆?淆邊個呀?

之後就飛的去鄺永屋企樓下,打去鄺永屋企,話佢瞓著左喎..之後我同佘仔

上去搵佢,佘仔一行去陽台,一見到d衫話:妖~跟住就丟哂佢地落街,真係勁

好笑,之後我地去樓梯個到見到人地d底褲,一野丟哂落街,之後仲落思樂冰

去d衫到,笑到我無力..跟住我開樓梯門諗住走,因為好似有人開門,即走,我

即刻唔理三七二十一撞開佘仔衝左出去,搞到佘仔撞紅左隻手,唔知點解

又勁好笑..後來去左龍翔中心,搵鄺永個對鞋,因為係n耐之前就諗住買,著

同一款衫諗諗下都係覺得太柒,之後就買雪糕,不過唔係晴天雪糕..咬呀!

佢鍾意食嫁ma~

今日10:00先肯爬起身,之後就刷牙洗面,10:35佘仔打黎傾電話,之後

打埋比鄺永,傾傾下佘仔話有人去佢屋企做訪問,之後同我地講返,話問

卷問佢有無性行為+有無男女朋友個d,佘仔答無,e..係喎你無女朋友喎

2:00就出左去五舊木打機,我玩玩下呀媽打黎,即刻跑落去接,佢話鋪頭

個到有個人偷野,捉賊喎,算啦~做警察係佢既夢想..上到去我同返鄺永

+佘仔講,話:個細路攞個bb彈盒塞係個加拿大到,跟住我呀媽話細佬,個

細佬問返佢咩呀?我呀媽話你偷野喎咩呀?笑死鄺永同佘仔..之後玩cso

我同佘仔一組,個個都玩到顛哂..之後唔想打機就出左去,我去剪頭髮,跟

住同佢地去易拎腸粉食野,點知食食下落大雨,咁岩佘仔話想握佢呀

"ma"話避雨,我話:今次真係唔方唔避雨啦..等d雨"細"左D先走,佘仔

個外套無帽,得我同鄺永有佢淋到濕哂,點知去到樓下仲落大d,淋得

仲慘d之後佢地上左我屋企"避雨",鄺永係到玩火機,攞隻手指落去

燒,點知佘仔一擺隻手攞去,熄左跟住鄺永攞火機去燒佘仔件衫,燒

燒下燒著左,搞到佘仔係咁拍,之後鄺永燒自己條褲,話:睇下!燒唔著嫁

我話:哈哈~燒唔著?上次你張10蚊紙幣夠話撕唔"難"啦,跟住咪又係

撕開左..佘仔話:等陣燒到個到就好笑啦..跟住佢地就走左啦

今日大概9:00就起左身,起身無耐就成百幾二百個人打黎話:喂!今日幾點

係邊到等呀?之後鄺永就打黎話:佘仔咁遲先出,我唔等佢啦..最好屈佢

呀"ma"早到12點半比佢出,你是最好的,佘仔!之後kk就黎左我屋企,換完

衫佘仔+鄺永就黎左啦,佢地係我整緊頭個時,係咁攞d枕頭dum黎dum去..

我個頭整左n耐,點知一出黎就比鄺永一個枕頭車埋黎,搞到又要整過

之後就出去會一會黃ming+兩隻雞,我係咁同kk講:輝輝,輝輝...佢塊面好

紅,難怪啦,比姐夫知道就死lu,偷情都唔好咁揚啦之後上左慈中玩籃球

機+借書,玩完之後佘仔拉我過去話撇左黃ming+兩隻雞,kk傷心嫁ma..之

後我地襯佢地入左文具店就係咁跑,kk跑到咁拿慢,咁岩我地落緊樓梯,佘

仔跑跑下話:丟佢落下算啦,肥婆搞到我笑到無力..跟住就去左MK,kk

行行下就去左搵佢d fd lu..得返我地三個,跟住咁岩見到人拍野,鄺永特

登行過去,勁屈機..之後就返我屋企玩,嘆冷氣,鄺永幫緊我係部機刪野,

佘仔就走左入我呀媽間房帶佢d胸圍,又入去廚房攞兩個橙塞入去,笑死

我地,雖然係無聊d,但係都幾開心呀知足常樂呀ma~

鄺永係乖仔,佢無SM嫁

今日11:40先上車去彩虹MTR,幾驚佢地全世界等我一個,點知黃靖怡仲遲過

我,12:30左右去到APM既加洲紅,間房都幾後..開始唱啦,LILY+詠唱先,kai子

婷就識唱少少唔識唱少少,lily就叫佢"搭嗲"=識唱先唱..而我同甘仔就坐住先

之後再唱,唔駛講我一唱歌,你地一定話難聽既..之後甘仔唱浮誇,我地係咁幫

佢數拍子,幾high..唱完就去無印行下,佢地又去萬寧試下d化妝品,幾無聊...

之後去左彩虹,我,kai子婷,甘仔就打籃球,佢地打羽毛球,同甘仔打籃球,唔贏

我跳樓,所以贏左..之後落去搵lily佢地,玩玩下又玩數字球,最好笑既事黎啦,

詠以為黃靖怡接唔到個波,點知接到,佢就博命跑,我e d同鄺永玩慣既轉數

唔快d點得?見到黃靖怡成個呆左,我就話:1號..1號,快d!佢叫左之後詠先慢

慢跑過黎,而我地已經跑到鬼咁死遠,搞到我同kai子婷係咁笑..之後就傾左

陣計,就走左啦...

                    蔡蔡..生日快樂