呢排都冇寫日記，係因為呢排既生活都唔係咁如意，無論係學業又或者係愛情同埋人際方面，都係好失敗．．．所以都冇心機寫．亦都在此同大家講，我好唔開心∼

係剛剛放完假既番學日子裡面，我發現原來瘦係可以代表一切．．．我本身由細到大都係肥妹一個，由細細個開始就俾人話係肥妹，雖然我已經習慣，但係到愈黎愈大個就唔單止俾人話係肥妹，慢慢仲俾人話係，死肥婆等等既侮辱性詞語．愈大個，呢ｄ說話就愈ｈｕｒｔ我．．．就算ｄ人唔係話我，都攞我肥黎開玩笑，你地有冇諗過，我雖然係同埋你地一齊笑，但係你地又知唔知我其實係死頂，你地又知唔知我其實係好唔開心∼我係你地眼中可能係一個大笑姑婆，就算你地攞我黎開玩笑，我都唔介意又或者會同埋你地一齊顛，但係你地又知唔知我其實係好想喊！我真係好唔開心，而家肥就好似俾人歧見咁，每日都俾人話，我真係唔明點解...但係我而家已經知道，無論我既性格點樣好，點樣去樂於助人，身邊既人只會睇你外表做人（除左小部分人）．．．因為瘦代表一切．．．