本來我想在NAN佬生日當日，在家煮個西廚食自家製CANDLE DINNER，但給NAN佬溫和的一句──要洗碗喎！真的一言驚醒夢中人，可惜我一早已申請了半天假，人家本來是用來PREPARE個CANDLE DINNER的…剛好當日個頭痛到爆，我都沒有消假，在家SLEEP一覺，等NAN佬收工。本來我又想去屯門巿中心食，NAN佬又一句，好多人喎！OK，NAN佬真的從不說不，只會說一些REASON我知，所以我們只去了良景間金水食。

我們仲要有個SEE VIEW位坐，NAN佬一坐下，就眼金金一值望住個缸，真的正宗金魚佬。

而我最會投訴，就算生日都會COMPLAIN，NAN佬都話我的壞習慣是愛挑剔…當我話：「老公，我不開心，因為你現在眼中無我！」他就立即轉個壽頭過來望我，兼傻笑，真的好白痴，哈哈！

食到一半我先醒起想影下食物相，不過都食得7788，講真金水沒有話超好食，但勝在多款選擇，價錢叫合理價。

最好笑的是NAN佬食烏冬，好似整了容一樣，立即變成V面，快過打BOTOX呀！

我們到走，都在門口影下個魚缸，等NAN佬有得回味下，我自己覺得好腥囉！

講真跟NAN佬一齊好似都有7年了，我們每年都沒有為對方的生日買任何一個CAKE，今年叫做婚後第一個生日，總要有個新習慣吧！

個CAKE我一早買了，NAN佬毫不知情，我仲叫他先沖涼，我就在他沖涼時，先拿CAKE出來，仲要有時間自拍啊！

NAN佬沖完涼出來，見到個CAKE笑到見牙不見眼，先叫他許願，再自拍一番。

雖然我們沒有很豪華的DINNER，沒有明貴的禮物，但我們有想要一齊追尋幸福的心，所以簡單的一頓飯，細細的一個蛋糕，我們都可以笑得甜美，活得快樂。